Mega family Childrens : ఈ రోజు మెగా ఫ్యామిలీ లోనే అతిపెద్ద పండుగ అనే చెప్పాలి.. ఎందుకంటే మెగా పవర్ స్టార్ రామ్ చరణ్ తేజ్ – ఉపాసన దంపతులు తల్లిదండ్రులు అయ్యారు.. ఈ రోజు తెల్లవారు జామున హైదరాబాద్ లోని అపోలో హాస్పిటల్ లో ఈ జంటకు ఆడబిడ్డ పుట్టింది.. దీంతో మెగా కుటుంబంతో పాటు మెగా ఫ్యాన్స్ లో కూడా సంబరాలు స్టార్ట్ అయ్యాయి.
మరి ఈ వేడుకల్లో మరో సరికొత్త అంశం వైరల్ అయ్యింది.. రామ్ చరణ్ – ఉపాసన తలిదండ్రులు అయిన సందర్భంలో వీరికి వీరి కుటుంబానికి శుభాకాంక్షలు చెబుతూ సోషల్ మీడియాలో సందడి చేస్తున్నారు.. మెగా లిటిల్ ప్రిన్సెస్ రాకతో అభిమానులు, సెలెబ్రిటీల నుండి కూడాశుభాకాంక్షలు వెల్లువెత్తుతున్నాయి. ఈ క్రమంలోనే ఇప్పుడు కొత్త చర్చ స్టార్ట్ అయ్యింది.
చిరు ఫ్యామిలీలో ఇప్పటి వరకు జరిగిన డెలివెరీలలో అందరు ఆడపిల్లలే జన్మించారు.. ఇప్పుడు చరణ్ దంపతులకు కూడా పాపనే జన్మించింది.. ఇలా మొత్తంగా చిరంజీవికి ఐదుగురు మనవరాళ్లు అనమాట.. పెద్ద కూతురు సుష్మితకు ఇద్దరు కూతుర్లు కాగా చిన్న కూతురు శ్రీజకు కూడా ఇద్దరు కూతుర్లు.. వీరితో ఎప్పుడు చిరు సరదాగా ఆడుతూ పాడుతూ ఉంటారు.
అక్కడికే నలుగురు ఆడబిడ్డలు ఉన్న మెగా ఫ్యామిలీలో చరణ్ కూతురు కూడా చేరిపోవడంతో ఈ సంఖ్య 5 కు చేరుకుంది.. ముందుగానే అందరు అమ్మాయిలు ఉన్న నేపథ్యంలో చరణ్ కు అబ్బాయి పుట్టాలని అభిమానులంతా కోరుకున్నారు. అయితే వీరికి కూడా పాప జన్మించింది.. ఏది ఏమైనా ఆరోగ్యంగా మెగా ప్రిన్సెస్ బయటకు రావడం ఇప్పుడు మెగా ఫ్యాన్స్ కు సంతోషం కలిగించే అంశం..
