Pakistan VS America : క్రికెట్ లో పసికూన అయిన యూఎస్ఏ (అమెరికా) టీం పాకిస్థాన్ పై సూపర్ ఓవర్ లో ఆరు పరుగుల తేడాతో విజయం సాధించి షాక్ ఇచ్చింది. అమెరికా, పాకిస్థాన్ మధ్య గ్రాండ్ ఫ్యారీ స్టేడియం డల్లాస్ లో జరిగిన మ్యాచ్ లో పాకిస్థాన్ పై విజయం సాధించి గ్రూప్ 1 లో ఫస్ట్ ప్లేస్ లోకి వెళ్లిపోయింది. ఇప్పటికే కెనడాపై గెలిచిన యూఎస్ఏ అంతర్జాతీయ క్రికెట్ లో టాప్ టీం అయిన పాకిస్థాన్ పై గెలిచి సంచలనం క్రియేట్ చేసింది.
అమెరికా కెప్టెన్ మోనాంక్ పటేల్ టాస్ గెలిచి ఫీల్డింగ్ తీసుకున్నాడు. 9 పరుగుల వద్దే మహమ్మద్ రిజ్వాన్ ను అవుట్ చేయగా.. 26 పరుగులకే మూడు వికెట్లు తీసి పవర్ ప్లే లో పాక్ బ్యాటర్లు రన్స్ చేయకుండా యూఎస్ఏ కట్టడి చేశారు. యూఎస్ఏ బౌలర్లు కెంజీగి, నేత్రవల్కర్ కట్టుదిట్టంగా బౌలింగ్ చేసి అయిదు వికెట్లు తీశారు. పాకిస్థాన్ బ్యాటర్లలో కెప్టెన్ బాబర్ ఆజం 44 పరుగులు చేయగా.. షాదాబ్ ఖాన్ 25 బంతుల్లోనే మూడు సిక్సులు, ఒక ఫోర్ తో 43 పరుగులు చేశాడు. చివర్లో బౌలర్ షాహీన్ ఆఫ్రిది బ్యాటింగ్ రెండు సిక్సులు, ఒక ఫోర్ తో 23 పరుగుల చేయడంతో పాక్ 159 పరుగులు చేసి మొదటి ఇన్సింగ్స్ ముగించింది.
160 పరుగుల ఛేజింగ్ తో దిగిన అమెరికాకు టేలర్, కెప్టెన్ మోనాంక్ పటేల్ మంచి ఆరంభమిచ్చారు. 5 ఓవర్లలో 36 పరుగుల భాగస్వామ్యం నెలకొల్పగా.. టేలర్ 12 పరుగుల వద్ద ఔటయ్యాడు. అనంతరం బ్యాటింగ్ కు వచ్చిన అండ్రూ గౌస్, మోనాంక్ పటేల్ కలిసి సింగిల్స్, డబుల్స్ తీస్తూ పాక్ బౌలర్లకు చిక్కకుండా నెమ్మదిగా పార్ట్ నర్షిప్ బిల్డప్ చేశారు.
అండ్రూ గౌస్ 35, మోనాంక్ పటేల్ 50 పరుగులు, అరోన్ జోన్స్ 36 నితీశ్ కుమార్ 14 పరుగులతో సమయోచితంగా ఆడటంతో యూఎస్ఏ 20 వ ఓవర్ చివరి బంతికి మ్యాచ్ ను టైగా ముగించగా.. చివరకు సూపర్ ఓవర్ లో మొదట బ్యాటింగ్ చేసి 18 పరుగులు చేసింది. పాక్ బ్యాటర్లు అమెరికా బౌలర్ నేత్రవల్కర్ బౌలింగ్ లో 19 పరుగులు చేయలేక ఓటమి మూటగట్టుకున్నారు.
