Pawan Kalyan schedules : జనసేన పార్టీ అధినేత, ప్రముఖ సినీ నటుడు పవర్ స్టార్ పవన్ కల్యాణ్ రాష్ట్రంలో ముందస్తు ఎన్నికలు వచ్చే అవకాశాలు ఉన్నాయని అనుమానిస్తున్నారు. ఇందులో భాగంగానే ముందస్తుకు సమాయత్తం అవుతున్నారు. జాగ్రత్తగా రాష్ట్రంలో పర్యటిస్తూ జగన్ నిర్వాకాన్ని ఎండగట్టేందుకు సిద్ధమవుతున్నారు. ఈ మేరకు ఉభయ గోదావరి జిల్లాల్లో పర్యటించి తన పార్టీని ముందుకు నడిపించనున్నారు.
ఏపీలో రథయాత్ర చేస్తున్నారు. అధికార మార్పునకు ప్రజలు సమాయత్తంగా ఉండాలని సూచిస్తున్నారు. దీని కోసమే నిరంతరం శ్రమిస్తున్నారు. ఇక మీదట పార్టీ కార్యక్రమాలన్ని మంగళగిరి వేదికగానే జరుగుతాయని తేల్చేశారు. షూటింగులు సైతం చుట్టుపక్కల గ్రామాల్లో పెట్టుకోవాలని నిర్మాతలకు సూచిస్తున్నారు. దీంతో అటు సినిమాలు, ఇటు రాజకీయాలు ఒంటి చేత్తో నడపాలని భావిస్తున్నారు.
ఇప్పటికే దర్శకుడు హరీష్ శంకర్ పవన్ కల్యాన్ రథయాత్రకు దగ్గరుండి విషెష్ చెప్పి పంపించారు. మంగళగిరి ప్రాంతాల్లోనే షూటింగ్ లు ప్లాన్ చేస్తున్నారు. ఈ నేపథ్యంలో అటు సినిమాలు, ఇటు రాజకీయాలు రెండింటిని ఏకకాలంలో నడిపించాలని పవన్ కల్యాణ్ ప్లాన్ చేస్తున్నట్లు తెలుస్తోంది. నిర్మాతల నుంచి కూడా ఆయనకు మద్దతు వస్తోంది.
పవన్ కల్యాణ్ వారాహి రథయాత్ర సందర్భంగా మంగళగిరి పరిసర ప్రాంతాల్లో షూటింగులకు హరీష్ శంకర్ కూడా అనుకూలంగానే ఉన్నారు. గుంటూరు ప్రాంతాలను కూడా షూటింగులకు రెడీ చేసుకుంటున్నారు. ఈ నేపథ్యంలో కృష్ణమ్మ తీరాన షూటింగులు జరిగితే అటు పవన్ కల్యాణ్ మీటింగులు తరువాత షూటింగులు పెట్టుకోవడంలో నిర్మాతలు కూడా మొగ్గు చూపడంతో క్రేజీ ఏర్పడుతోంది.
