Pawan satire : ఏపీలో జనసేన అధినేతను తిట్టడం లో వైసీపీలో పేర్నినాని ముందుంటారు. ఆయన ప్రతి దానికి పవన్ పై విరుచుకుపడుతుంటారు. అయితే ఈసారి పవన్ రివర్స్ లో పేర్ని పై కామెంట్ చేశారు. ఇది ఇప్పుడు సోషల్ మీడియాలో వైరల్ గా మారింది. జోకులు పేలుతున్నాయి. ఇక పవన్ అభిమానులకు పండుగే. పేర్ని నానిని ఆడుకుంటున్నారు. ఏపీలో జనసేన చీఫ్ పవన్ కళ్యాణ్ వారాహి యాత్ర ప్రస్తుతం కొనసాగుతున్నది. పెద్ద సంఖ్యలో జనసందోహం ఈ సభలకు హాజరవుతున్నది. అయితే పవన్ వైసీపీ నాయకులపై చేస్తున్న విమర్శలు మాములుగా ఉండడం లేదు. ఈ వ్యాఖ్యలను జనసేన శ్రేణులు ట్రోల్స్ చేస్తున్నాయి.
పేర్ని నానికి తాజాగా పవన్ ఇచ్చిన కౌంటర్ను అభిమానులే కాదు.. రాజకీయ విశ్లేషకులు కూడా నవ్వకుంటున్నారు. గోదావరి జిల్లాలో ‘వారాహి యాత్ర’ సందర్భంగా అధికార వైసీపీపై పవన్ విమర్శల తీవ్రత పెంచారు. తనదైన డైలాగులతో విరుచచుకుపడుతున్నారు. వైసీపీ దౌర్జన్యాలను చెప్పడంతో పాటు వారిపై మాటల తూటలు జనాన్ని ఆకట్టుకుంటున్నాయి. ఇక పవన్ ఏది మాట్లాడినా, ఏదైనా పర్యటనకు వెళ్లినా మాజీ మంత్రి పేర్ని నాని విమర్శిస్తుంటారు. అయితే ఇటీవల తన రెండు చెప్పులను పవన్ కళ్యాణ్ కి మీడియా ముందు చూపిస్తూ అవమానించాడు. అయితే అప్పుడు నాని వ్యాఖ్యలను నిరసిస్తూ పవన్ అభిమానులు నిరసనకు దిగారు.
అయితే తాజాగా పిఠాపురం సభలో పవన్ కళ్యాణ్ ఈ విషయం పై స్పందించారు. ‘ఈ మధ్య నేను ఇష్టం తో కొనుక్కున్న చెప్పులు అన్నవరంలో ఎవరో దొంగలించారు, అవి ఎక్కడున్నాయో వెతికిస్తారా, వైసీపీ ప్రభుత్వం ఎంత దిగజారి పోయిందంటే చివరికి గుడి బయట ఉన్న చెప్పులను కూడా దొంగలించేస్తున్నారు’ అంటూ పవన్ కళ్యాణ్ వ్యంగ్యం గా మాట్లాడారు. అయితే ఇప్పుడు ఈ కామెంట్స్ సోషల్ మీడియాలో తెగ వైరల్ అవుతున్నాయి. పవన్ మాటలను యూత్ తో పాటు పెద్దలు కూడా ఎంజాయ్ చేస్తున్నారు. నిజానికి ఏపీలో పరిస్థితి అలాగే ఉందని గుసగుసలాడుతున్నారు. ఏదేమైనా పవన్ అప్పుడే తన డైలాగులు పెంచారు. అటు వైసీపీ శ్రేణుల నోటికి కూడా ఆయన పనిచెబుతున్నారు. ఎన్నికల వేళ ప్రజలకు మాత్రం మంచి పసందైన మాటల వంట పెడుతున్నారు.
