sitting for long periods : ఇటీవల కాలంలో ఎవరు కూడా శరీరం కదలకుండా చేసే పనులకే ప్రాధాన్యం ఇస్తున్నారు. దీంతో ఎన్నో అనర్థాలు వస్తున్నాయి. కదలకుండా కూర్చోవడాన్ని నిశ్చల ప్రదర్శన అంటారు. దీనివల్ల ఊబకాయం, అధిక బరువు పెరిగే అవకాశాలుంటాయి. ఇంకా క్యాన్సర్ ముప్పు కూడా పొంచి ఉంటుంది. పలు అధ్యయనాలు కదలకుండా కూర్చోవడం వల్ల ఎన్నో నష్టాలు వస్తున్నాయని చెబుతున్నాయి.
నిశ్చల ప్రవర్తన వల్ల కొలోరెక్టల్, ఎండో మెట్రియల్, అండాశయ, ప్రొస్టేట్ క్యాన్సర్ వంటి రకరకాల క్యాన్సర్లు వస్తాయని పలు అధ్యయనాలు వెల్లడిస్తున్నాయి. నిశ్చల ప్రవర్తనతో క్యాన్సర్ కు సంబంధం ఉంది. కదలకుండా ఉండటం వల్ల క్యాన్సర్ ప్రమాదం 13 శాతం ఎక్కువగా ఉంటుంది. ఎక్కువ సేపు కూర్చోవడం వల్ల మహిళల్లో క్యాన్సర్ మరణాలు పెరుగుతున్నాయి.
జీవనశైలిలో మార్పుల వల్ల 30 నుంచి 40 శాతం క్యాన్సర్ ముప్పు నుంచి తప్పుకోవచ్చని తెలుస్తోంది. కదలకుండా గంటల తరబడి కూర్చుండే వారికి పెద్దపేగు, ఎండో మెట్రియల్ క్యాన్సర్ వచ్చే ఆస్కారం ఉంది. దీనికి తోడు ఎక్కువ సేపు టీవీ చూడటం, చల్లని పానీయాలు తాగడం, జంక్ ఫుడ్స్ తినడం కూడా క్యాన్సర్ కు కారణంగా మారుతుంది.
శారీరకంగా చురుకుగా ఉంటే నిశ్చల సమయాన్ని తగ్గించుకుని క్యాన్సర్ ప్రమాదాన్ని దూరం చేసుకోవచ్చు. ఆధునిక కాలంలో మారుతున్న జీవన శైలితో పలు రోగాలు కూడా వస్తున్నాయి. గంటల తరబడి కదలకుండా కూర్చోవడం వల్ల కాళ్లల్లో నొప్పులు రావడం సహజమే. వెన్నుముక నొప్పి కూడా వస్తుంది. ఇలా మనక కదలకుండా కూర్చోవడం వల్ల పలు సమస్యలు రావడానికి కారణంగా మారుతుంది.
