Pushpa 2 The Rule Teaser : ‘పుష్ప2: ది రూల్’ టీజర్ రిలీజ్ డేట్ అనౌన్స్ చేసిన మేకర్స్

Pushpa 2 The Rule Teaser : అల్లు అర్జున్-సుకుమార్ కాంబోలో రాబోతున్న ‘పుష్ప 2: ది రూల్’ మోస్ట్ అవైటెడ్ మూవీస్ లో ఒకటి. ఈ సినిమా కోసం అల్లు అర్జున్ ఫ్యాన్స్ తో పాటు సినీ విమర్శకులు, అభిమానులు ఈగల్ గా వెయిట్ చేస్తున్నారు. ఇప్పుడు ఈ తెలుగు స్టార్ తన బ్లాక్ బస్టర్ సినిమా సీక్వెల్ లో ‘డబుల్ ఫైర్’తో తిరిగి వస్తున్నాడని నిర్మాతలు హామీ ఇచ్చారు. అల్లు అర్జున్ పుట్టినరోజు సందర్భంగా ఏప్రిల్ 8న పుష్ప 2: ది రూల్ టీజర్ విడుదల చేయనున్నట్లు చిత్రబృందం మంగళవారం (ఏప్రిల్ 02) ప్రకటించింది.

టీజర్ డేట్ అనౌన్స్ మెంట్ పుష్ప అభిమానులను ఎంతగా ఆకట్టుకుందో ప్రత్యేకంగా చెప్పక్కర్లేదు. దీనిపై స్పందించిన ఓ అభిమాని ‘దీని కోసం ఇంకా వేచి ఉండలేను’ అని రాసుకొచ్చాడు. ‘ఇది బ్లాక్ బస్టర్ అవుతుంది’ అని మరొకరు కామెంట్ చేశాడు.

గతేడాది పుష్ప 2 నుంచి అల్లు అర్జున్ ఫస్ట్ లుక్ పోస్టర్ కూడా విడుదలైంది. ఈ పోస్టర్ లో అల్లు అర్జున్ చీర ధరించి నీలం, ఎరుపు రంగు ముఖంతో కనిపించాడు. భారీ సంప్రదాయ బంగారం, పూల ఆభరణాలతో మేకప్ కూడా వేసుకున్నాడు. అంతేకాకుండా పోస్టర్ లో గాజులతో పాటు జుమ్కాలు, ముక్కు పుల్ల ధరించి కనిపించారు.

సుకుమార్ దర్శకత్వంలో 2021లో విడుదలైన చిత్రం ‘పుష్ప: ది రైజ్’. ఈ సినిమా బ్లాక్ బస్టర్ గా నిలిచి బాక్సాఫీస్ వద్ద ప్రభంజనం సృష్టించింది. ప్రస్తుతం వైజాగ్ లో పుష్ప 2 చివరి దశ షూటింగ్ జరుగుతోంది.

రీసెంట్ గా రష్మిక మందన్న కూడా పుష్ప2 ను టీజ్ చేసి, ఈ సినిమా మునుపెన్నడూ లేనంత పెద్దదిగా ఉంటుందని చెప్పుకొచ్చింది. ‘పుష్ప 2’ భారీ సినిమాగా ఉండబోతోందని మీకు హామీ ఇవ్వగలను. మొదటి సినిమాలో కొంత పిచ్చి చూపించాం, పార్ట్2లో మాపై చాలా అంచనాలు, ఆశలు ఉన్నాయి. మేము వాటిని అందుకునేందుకు నిరంతరం మరియు స్పృహతో ప్రయత్నిస్తున్నాం. ‘పుష్ప 2’ కోసం ఇప్పుడే ఓ పాట షూట్ చేశాను, ‘దీని గురించి మీరెలా ఆలోచిస్తున్నారు?’ అని అడిగాను. మంచి సినిమా తీయాలని ప్రతి ఒక్కరూ కోరుకుంటారు. మేమంతా బయటకు వెళ్లి ఈ ప్రక్రియను ఆస్వాదిస్తున్నాం. అంతం లేని కథ ఇది, మీరు దీన్ని ఏ విధంగానైనా నడిపించవచ్చు. ఇది సరదాగా ఉంది’ అని ఆమె ఒక వెబ్ చానల్ తో అన్నారు.

పుష్ప 2: ది రూల్ లో సమంత రూత్ ప్రభు అతిథి పాత్రలో కనిపిస్తుందని టాక్ వినిపిస్తోంది. సంజయ్ దత్ కూడా ఈ సినిమాలో స్పెషల్ అప్పియరెన్స్ ఇచ్చే అవకాశం ఉంది. 2024, ఆగస్టు 15న ఈ సినిమా ప్రేక్షకుల ముందుకు రానుంది.