Minister Roja : ఆంధ్రప్రదేశ్ మంత్రి, సినీనటి రోజా తమిళ సూపర్ స్టార్ రజనీకాంత్ విషయంలో చేసిన విమర్శలపై ఆయన అభిమానులు ఆగ్రహం వ్యక్తం చేస్తున్నారు. రజనీకాంత్ వ్యక్తి కాదు ఓ శక్తి. ఆయన ఫ్యాన్స్ అంటే మామూలుగా ఉండదు. ఆయనకు ఏ చిన్న కష్టమొచ్చినా అభిమానులు తీవ్రంగా స్పందిస్తారు. అలాంటిది రోజా రజనీకాంత్ విషయంలో చేసిన విమర్శలకు క్షమాపణ చెప్పాలని డిమాండ్ చేస్తున్నారు.
ఇటీవల జరిగిన ఎన్టీఆర్ జయంతికి రజనీకాంత్ ముఖ్య అతిథిగా హాజరయి ఎన్టీఆర్ ను పొగిడారు. చంద్రబాబును సైతం తనదైన శైలిలో ప్రశంసించారు. ఇది వైసీపీకి మింగుడు పడటం లేదు. దీంతో వైసీపీ జీర్ణించుకోలేకపోతోంది. ఈ నేపథ్యంలో రెండు పార్టీల మధ్య విభేదాలు పొడచూపాయి. ఇటీవల మంత్రి రోజా తమిళనాడులోని ప్రముఖ పుణ్యక్షేత్రానికి వెళ్లినప్పుడు అక్కడి మీడియా ఈ విషయాన్ని ప్రస్తావించింది.
రజనీకాంత్ స్పందనపై మీ అభిప్రాయం ఏంటని అడగ్గా ఆమె పెదవి విరుపుగా వెళ్లిపోయారు. దీంతో అక్కడి మీడియా దాన్ని ప్రచారం చేసింది. రోజా చేసిన వ్యంగ్యాస్త్రాలపై తమిళనాడులోని రజనీకాంత్ ఫ్యాన్స్ పెదవి విరుస్తున్నారు. మంత్రి రోజా బేషరతుగా క్షమాపణ చెప్పాలని డిమాండ్ చేస్తున్నారు.
రోజా చేసిన దానికి అక్కడి ఫ్యాన్స్ దుమ్మెత్తిపోస్తున్నారు. తలైవా ఫ్యాన్స్ రెచ్చిపోతున్నారు. రజనీకాంత్ విషయంలో ఆమె చూపిన హావభావాలు విచిత్రంగా ఉన్నాయని ఆగ్రహం వ్యక్తం చేస్తున్నారు. తమ అభిమాన నటుడిని ఇలా వెక్కిరించడంపై క్షమాపణ చెప్పాల్సిందేనంటున్నారు.