RajiniKanth – Kapil Dev : నటుడు రజనీకాంత్ గురువారం తన రాబోయే తమిళ చిత్రం లాల్ సలామ్ సెట్స్ ఒక అరుదైన చిత్రాన్ని పంచుకున్నాడు. భారత మాజీ క్రికెటర్ కపిల్ దేవ్తో కలిసి ఉన్న చిత్రాన్ని ట్విట్టర్లో షేర్ చేశాడు రజనీకాంత్ కుమార్తె ఐశ్వర్య రజనీకాంత్ దర్శకత్వం వహిస్తున్న ఈ చిత్రంలో కపిల్ ఒక పాత్రలో కనిపించనున్నట్లు ట్వీట్ ద్వారా తెలుస్తోంది. ఈ వెటరన్ క్రికెటర్ సినిమా షూటింగ్ కోసం ఇటీవల ముంబైలో ల్యాండ్ అయ్యారు.
కపిల్ దేవ్తో ఉన్న ఫోటోను పంచుకుంటూ, రజనీకాంత్ ట్విట్టర్లో ఇలా రాసుకొచ్చాడు., “భారత్ కు తొలిసారి క్రికెట్ ప్రపంచకప్ని అందించిన లెజెండరీ, అత్యంత గౌరవనీయమైన.. అద్భుతమైన మనిషి కపిల్దేవ్జీతో కలిసి పనిచేయడం నాకు గౌరవం.. ప్రత్యేకత.” అని రజినీ ట్వీట్ చేశాడు.
ఫోటోలో ఇద్దరూ ఒకరితో ఒకరు మాట్లాడుకోవడంలో మునిగితేలినట్లు కనిపించారు. సంభాషణ మధ్యలో వారి పిక్ క్లిక్ చేయబడింది. కపిల్ దేవ్ తెల్లటి పోలో టీ-షర్ట్ , గ్రే ప్యాంట్లో సాధారణ రూపంలో కలిగించగా.. ప్రముఖ నటుడు పూర్తిగా తెలుపు రంగులో కనిపించాడు. అది అతని పాత్రలో భాగంగా కనిపిస్తోంది.
లాల్ సలామ్ చిత్రంతో ఐశ్వర్య ఏడేళ్ల విరామం తర్వాత మళ్లీ దర్శకత్వం వహించింది. క్రికెట్, కమ్యూనిజం నేపథ్యంలో తెరకెక్కుతున్న ఈ చిత్రంలో విష్ణు విశాల్, విక్రాంత్ ప్రధాన పాత్రల్లో నటిస్తున్నారు.
గత వారం, చిత్ర నిర్మాతలు రజనీకాంత్ పాత్ర పేరుతో పాటు ఫస్ట్ లుక్ పోస్టర్ను విడుదల చేశారు. ఈ పోస్టర్ అభిమానుల నుంచి మిశ్రమ స్పందన వచ్చింది. ఫస్ట్ లుక్ పోస్టర్ను లైకా ప్రొడక్షన్స్ ట్విట్టర్లో ఆవిష్కరించింది.
పోస్టర్ ప్రకారం, రజనీకాంత్ మొయిదీన్ భాయ్ అనే పాత్రలో నటిస్తున్నారు. అతని పోర్షన్ పూర్తిగా ముంబైలో చిత్రీకరించనున్నారు. ఈ ఏడాది ప్రారంభంలో విడుదలైన లాల్ సలామ్లో రజనీకాంత్ పొడిగించిన అతిధి పాత్రలో కనిపించనున్నారు. ఇప్పటికే చిత్రబృందం ఒక షెడ్యూల్ని పూర్తి చేసుకుంది.
ఈ చిత్రానికి ఎ.ఆర్ రెహమాన్ సంగీతం అందించారు. ప్రాజెక్టు పనులను ప్రారంభించే ముందు ఆయన కడప దర్గాను సందర్శించారు, అక్కడ రజనీకాంత్తో కలసి వచ్చారు.
