
Alia Bhatt Daughter : అలియా భట్ నటించిన తాజా చిత్రం ‘జిగ్రా’. ఈ సినిమా శుక్రవారం రిలీజ్ అయ్యింది. ఈ చిత్ర ప్రమోషన్స్లో భాగంగా ఓ కార్యక్రమంలో పాల్గొన్న అలియా ఓ ఆసక్తికర విషయాన్ని పంచుకున్నారు. ‘రాహా పుట్టిన నెల రోజుల తర్వాత.. రామ్ చరణ్ తనకు ఊహించని గిఫ్ట్ పంపారు. అదో విచిత్రమైన అనుభవం. కొందరు మేడం ఎలిఫెంట్.. ఎలిఫెంట్.. అంటూ పరుగులు తీస్తూ వచ్చారు. ఎలిఫెంట్ ఏంటి..?, ఎవరు పంపారు..? అని నేను ఆశ్చర్యపోయాను. ఎవరు పంపారు అని అడిగితే.. రామ్ చరణ్ సర్ పంపారు అని చెప్పారు. ఎవరైనా ఊహించగలరా..? చెప్పండి. దాన్ని చూసి నేను ఒక్కసారిగా షాక్ అయ్యా. అది నిజమైన ఏనుగు కాదని.. చెక్కతో చేసిన భారీ సైజు బొమ్మ అని వివరించారు. ముందు దాన్ని చూసిన రాహా భయపడిపోయిందని.. ఆ తర్వాత దాంతో ఆడుకోవడం మొదలు పెట్టిందని చెప్పుకొచ్చింది.’ అంటూ చెప్పుకొచ్చారు.
ఆ భారీ బొమ్మను తమ డైనింగ్ టేబుల్కు దగ్గర్లో పెట్టుకున్నామని.. దానిని ముద్దుగా ‘ఏలే’ అని పిలుచుకుంటున్నట్లు తెలిపింది. తన కుమార్తె రాహా పేరు మీద ఓ అడవి ఏనుగును దత్తత తీసుకుని చెర్రీ దాని ఆలనాపాలనా చూస్తున్నారని ఆమె కొనియాడారు. దత్తతకు సూచనగా ఓ ఏనుగు బొమ్మను రాహాకు గిఫ్ట్గా పంపించారని, రాహా రోజూ ఆ ఏనుగుపైకెక్కి ఆడుకుంటుందని వివరించారు. కాగా, టాలీవుడ్ దర్శక ధీరుడు ఎస్ఎస్ రాజమౌళి తెరకెక్కించిన ‘ఆర్ఆర్ఆర్’ చిత్రంలో రామ్ చరణ్ కు జోడీగా సీత పాత్రలో అలియా భట్ నటించిన విషయం తెలిసిందే.