Samantha Ruth Prabhu :
సమంత రూత్ ప్రభు గురించి రూమర్స్ చక్కర్లు కొట్టడం కామనే. తన మయోసిటిస్ ట్రీట్ మెంట్ కోసం ఓ తెలుగు సూపర్ స్టార్ నుంచి రూ. 25 కోట్లు ఆర్థిక సాయం అందుకున్నట్లు సోషల్ మీడియాలో వార్తలు వినిపిస్తున్నాయి. అయితే, ఇలాంటి తప్పుడు వార్తలకు ముగింపు పలకాలని ప్రముఖ నటి తన ఇన్స్ స్టా స్టోరీలో పేర్కొంది.
తన వైద్య చికిత్స కోసం ఇంత ఎక్కువ మొత్తం తీసుకోవడాన్ని సమంత తీవ్రంగా ఖండించింది. అంత పెద్ద మొత్తంపై ఆమె ఆశ్చర్యం వ్యక్తం చేసింది. అంత పెద్ద మొత్తం తనకు అవసరం లేదని, తనను తాను జాగ్రత్తగా చూసుకోగలనని స్పష్టం చేసింది.
మయోసైటిస్ చికిత్సకు రూ.25 కోట్లు!? ఎవరో మీకు చాలా చెడ్డ డీల్ ఇచ్చారు. అందులో అతి చిన్న భాగాన్ని మాత్రమే ఖర్చు చేస్తున్నందుకు సంతోషంగా ఉంది. నా కెరీర్ లో నేను చేసిన అన్ని పనులకు నాకు మార్బుల్స్ లో పారితోషికం ఇచ్చారని నేను అనుకోను. కాబట్టి నన్ను నేను సులభంగా చూసుకోగలను. ధన్యవాదాలు. మయోసోటిస్ అనేది వేలాది మంది బాధపడుతున్న పరిస్థితి. చికిత్సకు సంబంధించి మేము ఇచ్చిన సమాచారంతో దయచేసి బాధ్యతగా ఉండండి’ అని ఆమె లేఖలో పేర్కొన్నారు.
తప్పుడు ప్రచారంపై అసంతృప్తి వ్యక్తం చేసిన సమంత.. ఫేక్ రిపోర్టుల ప్రచారంపై మండిపడింది. మయోసిటిస్ వంటి వైద్య పరిస్థితులకు సంబంధించిన సున్నితమైన వివరాలను పంచుకునేటప్పుడు మీడియా మరింత బాధ్యతాయుతంగా ఉండాలని ఆమె కోరింది. ప్రస్తుతం సమంత బాలీలో ఉంది.
