ఆ తర్వాత బ్యాటింగ్ కు దిగిన అమెరికా కూడా నిర్ణీత 20 ఓవర్లలో మూడు వికెట్లు కోల్పోయి 159 పరుగులు చేసింది. మ్యాచ్ టై కావడంతో సూపర్ ఓవర్ నిర్వహించారు. ఇందులో అమెరికా ఒక వికెట్ నష్టాలనికి 18 పరుగులు చేయగా.. పాకిస్తాన్ ఒక వికెట్ నష్టానికి కేవలం 13 మాత్రమే చేసింది. సూపర్ ఓవర్ తో అమెరికా పాక్ పై విజయం సాధించింది. ఈ సూపర్ ఓవర్‌లో పాకిస్తాన్ ను ఓడించిన బౌలర్ సౌరభ్ నేత్రవాలాకర్ ఎవరని ఆయన గురించి తెలుుకునేందుకు క్రికెట్ అభిమానులు, నెటిజన్లు ఆసక్తి చూపుతున్నారు.
భారత సంతతికి చెందిన వ్యక్తే ఈ సౌరభ్ నేత్రవాలాకర్. 1991, అక్టోబర్ 16న ముంబైలో జన్మించిన నేత్రావాలాకర్ అండర్ 19 వరల్డ్ కప్ 2010లో టీమిండియా తరఫున ఆడాడు. భారత క్రికెట్ లో పోటీని తట్టుకోలేకపోయాడు. ఈ లెఫ్ట్ హ్యాండ్ పేసర్ ఎలాంటి పిచ్ పైనైనా బౌన్స్ వేయగలడు. గురువారం (జూన్ 06) పాక్ తో జరిగిన మ్యాచ్ లో ప్రతిభ చూపి పాక్ ను ఓడించాడు.
ఇండియాలోనే పుట్టి పెరిగిన నేత్రవాలాకర్ 2015లో అమెరికా వెళ్లాడు. అమెరికా జట్టు తరఫున క్రికెట్ ఆడుతూ అదరగొట్టేవాడు. నేత్రవాలాకర్ అప్పట్లో ముంబై తరఫున రంజీ ట్రోఫీలో ఆడాడు. కేఎల్ రాహుల్, హర్షల్ పటేల్, మయాంక్ అగర్వాల్, సందీప్ శర్మ, జయదేవ్ ఉనద్కత్ వంటి వారు అతడి టీమ్‌మేట్లు. నేత్రవాలాకర్ క్రికెటర్ మాత్రమే కాదు.. ఓ ఇంజినీర్ కూడా ఒరాకిల్‌లో సీనియర్ సాఫ్ట్‌వేర్ ఇంజినీర్‌గా పనిచేస్తూనే తనకు ఇష్టమైన గేమ్ క్రికెట్లో రాణిస్తున్నాడు.
