Shakila Remuneration : 90వ దశకంలో బోల్డ్ బ్యూటీ షకీల గురించి ప్రస్తుతం యూత్ కు అంతగా తెలియకపోవచ్చు. కానీ, సోషల్ మీడియా విస్తృతంగా ప్రాచుర్యంలోకి వచ్చాక తెలుసుకుంటున్నారు అనడంలో సందేహం లేదు. అయితే సౌత్ లో స్టార్ హోదా సంపాదించిన ఈ శృంగార తార.. నార్త్ లో కూడా అదే గుర్తింపును మెయింటెన్ చేస్తూ వచ్చింది. బీ గ్రేడ్ మూవీస్ లో నటిస్తూ కూడా ఆమె చాలా పాపులారిటీ సంపాదించుకుంది. ఆ సమయంలో షకీల ఉందంటేనే భారీగా కలెక్షన్లు వచ్చేవంటే అతిశయోక్తి కాదు.
సినిమాల్లో అవకాశాలు రాను రాను తగ్గిపోవడంతో తెరమరుగు అయ్యింది షకీల. కొన్ని రోజులు షోలలో కనిపించినా అక్కడా ఆదరణ ఏ మాత్రం తగ్గలేదు. దీంతో ఆమె చాలా కాలం తెర వెనకే ఉండిపోవాల్సి వచ్చింది. చాలా ఏళ్ల విరామం తర్వాత ఇప్పుడు విజయ్ టీవీలో కూకు విత్ కోమలి అనే తమిళ రియాలిటీ షోతో బుల్లితెర నుంచి తన అభిమానులను మరోసారి పలకరించబోతున్నారు షకీల. ప్రస్తుతం ఈ షోకు మంచి ఆదరణ కొనసాగుతోంది. ఈ షోకు సంబంధించిన నిర్వహించిన ఓ ఇంటర్వ్యూలో కొన్ని ఆసక్తి కర విషయాలను వెల్లడించింది.
90వ దశకంలో తెలుగుతో పాటు తమిళం, కన్నడ తదితర ఇండస్ట్రీలో ఒక వెలుగు వెలిగిన తార షకీల. ఆమె ఎలాంటి సినిమా తీసినా యూత్ ఎగబడేవారు. చాలా సినిమాలు షకీల ఇమేజ్ తోనే ఆడాయంటే సందేహం లేదు మరి. అంతగా నటిస్తూ కవ్విస్తూ కనిపించేది ఈ సుందరి. ఇక ఆమె మళయాలంలోని చేసిన బీ గ్రేడ్ సినిమాలు ఎక్కువగా తెలుగు, తమిళం ఇతర భాషల్లోకి డబ్ చేసేవారు. వీటికి ఆదరణ మరింత ఎక్కువగా ఉండేది. నిర్మాతలకు కాసుల వర్షం కురిసేది. దీంతో షకీల కూడా తన పారితోషికాన్ని పెంచుతూ వెళ్లింది.
కార్లు, మేడల్లో విలాసవంతంగా జీవిస్తుంది షకీల అంటూ వస్తున్న వార్తలను ఆమె ఖండించింది. ‘కెరీర్ మొదట్లో బాగున్న మాట వాస్తవమే కానీ రాను రాను అవకాశాలు తగ్గాయి. దీంతో రాబడి లేదు. అప్పుడు చేసే పరిస్థితి ఎదురైంది. చివరికి ఉండేందుకు ఇల్లు కూడా లేకుండా పోయింది. తనకు ఎలాంటి బీఎండబ్ల్యూ కారు లేదు.. ఫ్లాట్లు లేవు. ప్రస్తుతం తానొక అద్దె ఇంట్లో ఉంటున్నాను. నా అనుకున్న వారే నన్ను మోసం చేశారు. ఐటీ దాడులు జరుగుతాయని చెప్పి నా సోదరే డబ్బు తీసుకుపోయింది. రోజూ రూ. 4 లక్షల ఆవరేజ్ గా సంపాదించే దాన్ని. ఇప్పుడు నాకు ఏదీ లేకుండా చేసింది’. అంటూ కన్నీటి పర్యంతమయ్యారు షకీల.
మలయాళ సూపర్ స్టార్ మమ్ముట్టిపై సంచలన వ్యాఖ్యలు చేశారు షకీల. ఆయనే తన సినిమాలను అడ్డుకునేందుకు ప్రయత్నించారు. అప్పట్లో తక్కువ బడ్జెట్ తో చేసిన తన సినిమాలు మమ్ముట్టి లాంటి స్టార్ హీరోల సినిమాలతో పోటీ పడేవి. దీంతో వారు నా మీద కోపంగా ఉన్నట్లు తెలిసింది. ఆ తర్వాత నా చిత్రాల రిలీజ్ ను అడ్డుకునేవారు అంటూ ఆరోపించారు. ఆమె శృంగార చిత్రాల ముందు ఎంతటి స్టార్ హీరోల సినిమాలైనా దిగదుడుపే మరి.
