Single Movie : యూత్ కి మంచి కనెక్షన్ ఉన్న హీరో శ్రీ విష్ణు తాజా చిత్రం ‘సింగిల్’ ఇవాళ విడుదలైంది. మొదటి షో నుంచే పాజిటివ్ టాక్ వచ్చినప్పటికీ, బాక్సాఫీస్ వద్ద మాత్రం అదిరే ఓపెనింగ్స్ అందుకోలేకపోయింది. ముఖ్యంగా ఆంధ్రప్రదేశ్‌లో ఆక్యుపెన్సీ చాలా తక్కువగా నమోదైంది. నైజాం లో మాత్రం ఓ మోస్తరుగా ఫార్మ్ చూపించినా, మొత్తం మీద కలెక్షన్స్ బిలో యావరేజ్ స్థాయిలో ఉన్నాయి.
చిన్న సినిమా కావడంతో ప్రమోషన్స్ పెద్దగా లేకపోవడం, దేశంలో నెలకొన్న పరిస్థితుల వల్ల జనాలు థియేటర్లకు రావడంలో వెనకడుగు వేయడమే కారణమని ట్రేడ్ వర్గాలు భావిస్తున్నాయి. అయితే బుక్ మై షో లెక్కల ప్రకారం ప్రస్తుతానికి గంటకు మూడు వేల టికెట్లు అమ్ముడవుతున్నాయి, అంటే మెల్లగా పిక్ అవుతున్న సూచనలు ఉన్నాయి. ట్రైయాంగిల్ లవ్ స్టోరీగా తెరకెక్కిన ఈ చిత్రం కథ యువతను బాగా ఆకర్షిస్తోందని వినిపిస్తోంది. మరి ఈ పాజిటివ్ టాక్ రెండవ రోజు నుంచైనా కలెక్షన్స్ పెంచుతుందేమో చూడాలి.
