Takkar Trailer Review : టాలెంటెడ్ హీరోల్లో సిద్ధార్థ్ ఒకరు.. ఈయన తెలుగు సినిమాల్లో ఒకప్పుడు వరుస సూపర్ హిట్స్ అందుకుని స్టార్ హీరోగా ఎదిగాడు.. అయితే ఆ తర్వాత ఈయన తెలుగులో సినిమాలు మానేసాడు.. తమిళ్ లో చేస్తూ డబ్బింగ్ సినిమాల ద్వారానే పలకరిస్తూ వస్తున్నాడు.. ఈ మధ్య డైరెక్ట్ తెలుగు సినిమాలు చేసేందుకు మళ్ళీ ప్రయత్నాలు చేస్తున్నారు..
ఈ క్రమంలోనే తాజాగా సిద్ధార్థ్ నటించిన సినిమా ”టక్కర్”.. సిద్ధార్థ్ హీరోగా దివ్యాంశ హీరోయిన్ గా నటించిన ఈ సినిమా తెలుగు, తమిళ్ భాషల్లో ఏకకాలంలో తెరకెక్కుతుంది.. యూత్ ఫుల్ రొమాంటిక్ ఎంటర్టైనర్ గా విడుదల అవుతున్న ఈ సినిమా రిలీజ్ కు రెడీ అవుతుంది.. పీపుల్స్ మీడియా ఫ్యాక్టరీ, అభిషేక్ అగర్వాల్ ఆర్ట్స్, ఫ్యాషన్ స్టూడియోస్ కలిసి సంయుక్తంగా నిర్మిస్తున్న ఈ సినిమా జూన్ 9న రిలీజ్ కాబోతుంది..
కార్తీక్ జీ క్రిష్ స్వయంగా రచించి దర్శకత్వం వహించిన ఈ టక్కర్ సినిమా ట్రైలర్ తాజాగా సాయి ధరమ్ తేజ్ రిలీజ్ చేసారు.. మరి ఈ ట్రైలర్ టాక్ ఎలా ఉందంటే.. ఊహించని ట్విస్టులు, అనేక పరిస్థితులు చోటు చేసుకోవడం, మలుపులతో కథ సాగుతుంది.. డబ్బు సంపాదించాలి.. కోటీశ్వరుడు కావాలనుకునే యువకుడు ఆ సంపాదన కోసం ప్రాణాలు ఇవ్వడానికి కూడా సిద్ధంగా ఉంటాడు.. ఆ యువకుడి టార్గెట్ సంపన్న యువతికి చేరువ కావడం అనేది ట్రైలర్ తో స్పష్టం అవుతుంది.
సంపన్న కుటుంబానికి చెందిన యువతితో సిద్ధార్థ్ ”నీకు ఇడ్లీలు తినపించడానికి.. నేను కిడ్నీలు అమ్ముకోవాలి” అని చెప్పిన డైలాగ్ ఆకట్టుకుంది. ఇక యాక్షన్ సన్నివేశాలు, ఈ జంట మధ్య రొమాంటిక్ సన్నివేశాలు చాలా బాగా ఆకట్టు కున్నాయి.. సిద్ధార్థ్, దివ్యాంశ మధ్య లిప్ లాక్ కూడా ఉంది.. దీంతో ఈ సినిమాలో వీరి కెమిస్ట్రీ బాగా పండినట్టు తెలుస్తుంది. మొత్తానికి ఈసారి సిద్ధార్థ్ హిట్ కొట్టేలాగానే కనిపిస్తున్నాడు. జూన్ 9 వరకు ఆగితే అసలు కథ బయట పడుతుంది.
