ఇంకా మూడు రోజుల పాటు వర్షాలు పడతాయని వాతావరణ శాఖ అధికారులు చెప్పడంతో ప్రజల్లో భయం పట్టుకుంది. ఇప్పటికే విపరీతంగా కురుస్తున్నందున ప్రజలు అప్రమత్తంగా ఉండాలని చెబుతున్నారు. నిజామాబాద్ జిల్లా వేల్పూరులో 46 సెంటిమీటర్ల వర్షపాతం నమోదైంది. ఇదే ఇప్పుడు అత్యధిక వర్షపాతం. దీంతో జాతీయ రహదారిపై నీళ్లు నిలిచాయి.
రాబోయే రోజుల్లో కురిసే భారీ వర్షాలతో చెరువులు, కుంటలు తెగే ప్రమాదం పొంచి ఉంటుంది. 24 గంటల్లో మరో వాయుగుండం ఏర్పడనుంది. దీని ఫలితంగా అల్పపీడనం ఏర్పడి అధిక వర్షం పడే ప్రమాదముందని తెలుస్తోంది. ఈ మేరకు అధికార యంత్రాంగం అప్రమత్తంగా ఉండి నిరంతరం జాగ్రత్తగా ఉండాలని చెబుతున్నారు. వర్షాలు పడిన ప్రాంతాల్లో అధికారులు తగిన చర్యలు తీసుకోవాలని సూచిస్తున్నారు.
అధిక వర్షాలు పడుతున్నందున పాత ఇళ్లల్లో ఉండే వారిని జాగ్రత్తగా ఉండాలని చెబుతున్నారు. అవసరమైతే ఇతర ప్రాంతాలకు వెళ్లాలంటున్నారు. వాన ప్రభావం ఉండటం వల్ల తగిన భధ్రత చర్యలు తీసుకోవాల్సిన అవసరం ఉందంటున్నారు. భారీ వర్షాల నేపథ్యంలో ఎలాంటి అసౌకర్యాలు కలగకుండా చూడాలని హెచ్చరిస్తున్నారు.
 |
ReplyForward
|
