Sankranti Celebrations : తేటతెలుగువారి ఘన పండుగ సంక్రాంతి. ఆంధ్రాలోనైనా అమెరికాలోనైనా ఈ పండుగకు తెలుగు వారంతా కలిసి సంబరంగా జరుపుకుంటారు. ఇప్పుడు యూకే దేశంలోనూ తెలుగువారంతా కలిసి వైభవంగా వేడుకలో పాలుపంచుకున్నారు.
యునైటెడ్ కింగ్డమ్ లోని బ్రాక్నెల్ నగరంలో స్థానిక ప్రవాసాంధ్రులు సంక్రాంతి వేడుకలను ఘనంగా నిర్వహించారు. ఈ సందర్భంగా పతంగులు, ముగ్గులతో సభాస్థలిని అందంగా అలంకరించారు. వివిధ సాంస్కృతిక కార్యక్రమాలు నిర్వహించి పెద్దలు, పిల్లలు ఉల్లాసంగా పాల్గొన్నారు. ప్రత్యేకంగా సాంప్రదాయ భోజనాలు కూడా ఏర్పాటు చేసి, పిండివంటలతో అనుభవించమన్నారు. నిర్వాహకులు గత 20 ఏళ్లుగా ఈ తరహా తెలుగు పండుగలను నిర్వహిస్తున్నట్లు తెలిపారు.
