HIV Injection : హెచ్ఐవీ చికిత్స కోసం చాలా కాలంగా జరుగుతున్న పరిశోధనలు ఓ కొలిక్కివచ్చాయి. హెచ్ఐవీ నుంచి కాపాడే సూది మందు పరీక్షలు విజయవంతమయ్యాయి. లెనకపవిర్ ఇంజెక్షన్ ఏడాదికి రెండు సార్లు చేస్తే పూర్తి రక్షణ లభిస్తోందని క్లినికల్ స్టడీస్ లో వెల్లడైంది.
హెచ్ఐవీ చికిత్సలో లెనకపవిర్ ఇంజక్షన్ మంచి ఫలితాలనిస్తోందని దక్షిణాఫ్రికా, ఉగాండాల్లో నిర్వహించిన విస్తృత స్థాయి క్లినికల్ ట్రయల్స్లో వెల్లడైంది. ప్రస్తుతం ఇస్తున్న ట్యాబ్లెట్స్ కంటే లెనకపవిర్ ఇంజక్షన్ మెరుగ్గా పనిచేస్తున్నట్లుగా పరీక్షల్లో తేలింది. హెచ్ఐవీ వైరస్2 లోని జన్యు పదార్థం, ఎంజైమ్స్కు రక్షణ కల్పించే క్యాప్రైడ్ కవచాన్ని లెకపవిర్ ఇంజక్షన్ టార్గెట్ చేస్తుంది. తాజాగా, 16-25 ఏళ్ల యువతులపై ట్రయల్స్ జరిపారు. వారికి లెన్ఎల్ఏ మందును ఆరు నెలలకు ఓసారి రెండు సార్లు ఇచ్చారు. ఇంజక్షన్ పనితీరును ట్రవాడా, డెస్కోవీ ట్యాబ్లెట్లతో పోల్చి చూశారు. ఈ ఇంజక్షన్ తీసుకున్న 213 మంది మహిళల్లో ఒక్కరకి కూడా హెచ్ఐవీ సోకలేదని వెల్లడైంది.
