OMG 2 :
ఫ్యామిలీ ఎంటర్‌టైన్‌మెంట్, యాక్షన్, థ్రిల్లర్ జానర్ ఏదైనా నిరంతరం అలరిస్తాడు హీరో అక్షయ్ కుమార్. సినిమా హిట్ అవుతుందా? ఫ్లాప్ అవుతుందా? అన్న దానితో సంబంధం లేకుండా వరుస సినిమాలు చేసుకుంటూ వెళ్తాడు. ఓ మై గాడ్ (OMG)తో సక్సెస్ సాధించిన ఆయన ఓ మై గాడ్-2 (OMG2) తో ప్రేక్షకుల ముందుకు రాబోతున్నాడు. అయితే ఆ సినిమాకు సెన్సార్ బోర్డ్ షాక్ ఇచ్చింది.
అమిత్ రాయ్ డైరెక్షన్ లో ‘వియాకాం 18 స్టూడియోస్’ ఓ మై గాడ్-2 నిర్మించింది. దీనికి దాదాపు రూ. 150 కోట్లు ఖర్చు చేయగా విడుదల టైం దగ్గర పడడంతో సెన్సార్ బోర్డ్ ఝలక్ ఇచ్చింది. దీంతో సినిమా విడుదల చెయ్యాలా? వద్దా? అనే అయోమయంలో చిత్రం బృందం ఉంది.
సుమారు 20 సీన్లలో మార్పులు చేయాల్సిందేనని, ఈ సీన్లలో ఆడియో, వీడియో కూడా ఉన్నాయని, దీనికి తోడు అక్షయ్ కుమార్ వేసిన శివుడి పాత్రలో కూడా మార్పులు చేయాలని సూచించింది. ఈ సినిమాలో శివుడి రూపం వేరుగా ఉండడంతో శివుడి దూతగా చూపించాలని నిబంధన పెట్టింది. ఇన్ని మార్పులు చేర్పులు చేయడంతో ఈ మూవీ విడుదల ప్రస్తుతం ప్రశ్నార్థకంగానే ఉంది. ఈ సినిమాకు ఏ సర్టిఫికెట్ కూడా జారీ ఇచ్చింది.
ఇందులో అక్షయ్ కుమార్‌తో పాటు, పంకజ్ త్రిపాఠి, యామీ గౌతమ్ లీడ్ రోల్స్ నటించారు. చివరికి ఓ మై గాడ్-2 యూనిట్ సెన్సార్ బోర్డ్ చెప్పిన మార్పులు చేస్తారా? లేక మరోసారి బోర్డు పరిశీలించాలని అభ్యర్థిస్తారా అనే విషయం వేచి చూడాల్సిందే. ప్రస్తుతానికి అయితే ఈ సినిమా విడుదల వాయిదా పడినట్లు తెలుస్తోంది.
