Kalki Movie Tickets : ప్రభాస్ అభిమానులు అతృతగా ఎదురుచూస్తున్న ‘కల్కి 2898AD’ టికెట్ల బుకింగ్ ప్రారంభమైంది. బుక్ మై షో, పేటీఎం టికెట్స్ లో ఆన్ లైన్ టికెట్లు అందుబాటులోకి వచ్చాయి. అయితే బుకింగ్ మొదలైన నిమిషాల్లో చాలా థియేటర్లు హౌస్ ఫుల్ అయ్యాయి. నాగ్ అశ్విన్ దర్శకత్వం వహించిన ఈ సినిమా ఈ నెల 27న వరల్డ్ వైడ్ గా విడుదల కానుంది.
ఈ సినిమాకు టికెట్ ధరల పెంపు, అదనపు షోలకు తెలంగాణ ప్రభుత్వం అనుమతి ఇచ్చింది. ఈ నెల 27 నుంచి జులై 4 వరకు 8 రోజుల పాటు టికెట్ ధరలు పెంచుకునేందుకు వెసులుబాటు కల్పించింది. ఇటీవల టికెట్ ధరల పెంపు, అదనపు షోలకు అనుమతి కోరుతూ వైజయంతీ మూవీస్ దరఖాస్తు చేసుకుంది. దీంతో ‘కల్కి 2898AD’ చిత్ర టికెట్ పై గరిష్ఠంగా రూ.200 పెంచుకునేందుకు అనుమతి ఇచ్చింది. సింగిల్ స్క్రీన్ థియేటర్లలో రూ.75, మల్టీప్లెక్స్ ల్లో రూ.100 వరకు పెంచుకోవచ్చని పేర్కొంది. దీంతో పాటు ఈ నెల 27న ఉదయం 5.30 గంటల షోకు తెలంగాణ ప్రభుత్వం అనుమతి ఇచ్చింది. మరోవైపు ఆంధ్రప్రదేశ్ లోనూ ‘కల్కి’ టికెట్ ధరలపై త్వరలోనే స్పష్టత వచ్చే అవకాశం ఉంది.
