పులిని చూస్తే ప్రాణాలు పైనే పోతాయి. అది గాండ్రిస్తే అంతే సంగతి. మనకు బతుకు మీద ఆశ ఉండదు. క్రూర జంతువుల్లో పులి ముఖ్యమైనది. దీంతో దానికి ఎదురుపడితే ఏమైనా ఉందా? మనకు భూమి మీద నూకలు చెల్లిపోయినట్లే అనుకుంటాం. అంతటి భయంకరమైన పులిని దగ్గరగా చూస్తే ఇంకేమైనా ఉందా? మన బతుకు తెల్లారినట్లే అనుకుంటాం. ఇలాంటి సంఘటన ఒకటి సామాజిక మాధ్యమాల్లో వైరల్ గా నిలుస్తోంది. పులి గాండ్రింపు ప్రత్యక్షంగా చూసి ఆందోళనకు గురయ్యారు.
ఉత్తరాఖండ్ రాష్ట్రంలోని జిమ్ కార్బెట్ నేషనల్ పార్క్ వద్ద సందర్శకులకు వింత అనుభవం ఎదురైంది. వారు ప్రయాణిస్తున్న వాహనం ఎదురుగా పులి వచ్చింది. దీంతో వారు హడలిపోయారు. అది ఒక్కసారిగా వారి వాహనంపై దూకి గాండ్రించింది. దీంతో వారి ప్రాణాలు పైపైనే పోయాయి. వెంటనే డ్రైవర్ ను వాహనం రివర్స్ తీసుకోమని చెప్పే మాటలు ఆ వీడియోలో వినిపిస్తున్నాయి.
చావును దగ్గరగా చూసినట్లు అనిపించింది. పులి అకస్మాత్తుగా ప్రత్యక్షమవడంతో వారు భయంతో కేకలు వేశారు. పులికి తాము ఆహారం అవుతామని బెంగ వారిలో కనిపించింది. మొత్తానికి పులి వారిని భలే భయపెట్టింది. సోషల్ మీడియాలో ఈ వీడియో వైరల్ గా మారింది. పులి నోట్లో తల పెట్టినట్లుగా ఉందని వారు భయంతో మాట్లాడుకోవడం కనిపించింది.
మరో ఘటనలో ఓ గ్రామంలో పులి ఆవు, దూడలను తరుముతూ కనిపించింది. దీంతో అవి చెల్లాచెదురుగా పారిపోయాయి. కానీ ఓ దూడ వెంబడి పులి పడటంతో ఆవు దాన్ని రక్షించేందుకు పులిని తరిమిన ఘటన కూడా సామాజిక మాధ్యమాల్లో చక్కర్లు కొడుతోంది. ఈ వీడియోలను ఫారెస్ట్ అధికారి ట్వీట్ చేశారు. దీనికి భలే లైకులు, కామెంట్లు వస్తున్నాయి. పులి బాగోతంపై నెటిజన్లు కూడా తమదైన శైలిలో కామెంట్లు చేస్తుండటం గమనార్హం.
Striped monk gets irritated 😣
What will you do if at every designated hours people crash into your house as their matter of right? pic.twitter.com/4RDCVLWiRR— Susanta Nanda (@susantananda3) April 26, 2023
