Tomato గతంలో బంగారం, వెండి ఉంటే దొంగలు పడి దోచుకుపోయేవారు. ఇప్పుడు కూరగాయలు కూడా దోచుకుపోతున్నారు. టమాటాకు ధర విపరీతంగా ఉండటంతో వాటిని కనిపిస్తేనే మాయం చేయాలని చూస్తున్నారు. ఇలా రెండు మూడు ఘటనలు కూడా జరగడం గమనార్హం. దొంగకు చెప్పే లాభం అన్నట్లుగా కూరగాయలను కూడా దొంగిలించే స్థితికి చేరుకున్నారంటే కూరగాయలు ఎంత ప్రియమైపోయాయో తెలుస్తోంది.
ఇప్పటి వరకు కిలో టమాట రూ. 20 ఉండేది. కానీ ప్రస్తుతం వాటి ధర రూ. వంద దాటుతోంది. దీంతో వాటిని కొనేబదులు కొట్టేస్తే మంచి లాభం ఉంటుందని అనుకున్నారో ఏమో దొంగతనం చేయడానికి కూడా వెనకాడలేదు. వరంగల్ జిల్లాలో కూరగాయలు అమ్మే దుకాణంలో ఉన్న కూరగాయలు అన్ని దోచుకెళ్లారట. తెల్లవారి వచ్చి ఆ ఆసామి కొట్టు తెరవగా ఆశ్చర్యానికి గురయ్యాడట. దుకాణంలో ఉండే కూరగాయలన్ని మాయం అయ్యాయట. రాత్రికి రాత్రే దొంగలు పడి మొత్తం దోచుకెళ్లారట.
ఇంకా కర్ణాటక రాష్ట్రంలో రెండు ఎకరాల్లో టమాట పంట వేశారట. ధర బాగా ఉండటంతో రాత్రి దొంగలు పడి దాదాపు యాభై బస్తాల కాయలు తెంపుకెళ్లారట. దుకాణాలు, భూమిలో పండిన వాటిని కూడా వదలడం లేదంటే వారికి బంగారం, వెండి కంటే కూరగాయల ధరలే బాగా ఎక్కువగా అనిపించాయో ఏమో అని అందరు షాక్ అవుతున్నారు.
ఇప్పుడు కూరగాయలకు ఉన్న డిమాండ్ దృష్ట్యా ఎక్కడ కనిపించినా దొంగతనం చేయడానికే మొగ్గు చూపుతున్నారు. ఇందులో భాగంగానే వరంగల్, కర్ణాటకలో టమాటాలు చోరీకి గురి కావడం సంచలనం కలిగించింది. ఇలా బంగారం, వెండి మాదిరి కూరగాయలను కూడా ఇలా దొంగతనం చేయడం వింతగానే తోస్తోంది. టమాటాలను భద్రంగా దాచుకోవాల్సిన అవసరం ఏర్పడింది.
