Hyderabad rains : హైదరాబాద్ లో శనివారం సాయంత్రం భారీ వర్షం ముంచెత్తింది. కుండపోతగా పడుతున్న వర్షానికి చాలా ప్రాంతాలు జలమయమయ్యాయి. జూబ్లీహిల్స్, బంజారాహిల్స్, పంజాగుట్ట, అమీర్ పేట్, ఎస్ఆర్ నగర్, కూకట్ పల్లి, హైటెక్ సిటీ, మాదాపూర్, కొండాపూర్ ప్రాంతాల్లో రోడ్లపై వర్షపునీరు నిలిచి.. భారీగా ట్రాఫిక్ జాం అయింది. ముఖ్యంగా పంజాగుట్ట నుంచి సికింద్రాబాద్, ఖైరతాబాద్ నుంచి ఎర్రగడ్డ వరకు ట్రాఫిక్ జాం ఏర్పడి వాహనదారులు ఇబ్బందులు పడుతున్నారు.
అత్యధికంగా మాదాపూర్ లో 7.9 సెంటీమీటర్లు, జూబ్లీహిల్స్ లో 7.6 సెంటీ మీటర్ల వర్షపాతం నమోదైంది. లోతట్టు ప్రాంతాలు జలమయమైన క్రమంలో జీహెచ్ఎంసీ డిజాస్టర్ టీమ్స్ రంగంలోకి దిగాయి.
