UK Election Results 2024 : బ్రిటన్ పార్లమెంట్ ఎన్నికల్లో ఈ సారి అధికార కన్జర్వేటివ్ పార్టీ భారీ ఓటమిని ఎదుర్కొనడం ఖాయంగా కనిపిస్తోంది. ప్రతిపక్షంలో ఉన్న లేబర్ పార్టీ అధిక మెజారిటీతో విజయ కేతనాన్ని ఎగురవేస్తుందంటూ ఎగ్జిట్ పోల్స్ వెలువడ్డాయి. ఫలితాలు సైతం దీనికి అనుగుణంగా వెలువడుతున్నాయి.
650 సీట్లు ఉన్న బ్రిటన్ పార్లమెంట్లో ప్రభుత్వాన్ని ఏర్పాటు చేయాలంటే మ్యాజిక్ ఫిగర్ 326 సీట్లు సంపాదించుకోవాలి. భారతీయ మూలాలున్న రిషి సునాక్ సారథ్యంలో మొన్నటి వరకు కన్జర్వేటివ్ పార్టీ పాలన బాధ్యతలు చేపట్టింది. 2019 నాటి ఎన్నికల్లో ఈ పార్టీకి దక్కిన సీట్ల సంఖ్య 344 కాగా లేబర్ పార్టీ 205తో ప్రధాన ప్రతిపక్షంగా వ్యవహరిస్తోంది.
స్కాటిష్ నేషనల్ పార్టీ- 43, లిబరల్ డెమోక్రాట్స్- 15, డెమొక్రటిక్ యూనియనిస్ట్ – 7, సిన్ ఫెయిన్ పార్టీ- 7 సీట్లు ఉన్నాయి. ప్రస్తుతం బ్రిటన్లో ఎన్నికల ప్రచారం విస్తృతంగా కొనసాగుతోంది. మరోసారి ప్రభుత్వాన్ని ఏర్పాటు చేయాలనే పట్టుదలతో కన్జర్వేటివ్ పార్టీ ఉంది. బోరిస్ జాన్సన్, థాచర్ మే, జాన్ మేజర్, డేవిడ్ కామెరాన్, మార్గరెట్ థాచర్.. వంటి హేమాహేమీలను అందించిన పార్టీ కన్జర్వేటివ్.
ఇప్పుడు ఫలితాలు తారుమారయ్యాయి. కన్జర్వేటివ్ పార్టీ ఘోర పరాజయాన్ని చవి చూడబోతోందంటూ ఎగ్జిట్ పోల్స్ అంచనా వేస్తున్నారు. 410 స్థానాలతో లేబర్ పార్టీ అధికారంలోకి రావడం ఖాయంగా కనిపిస్తుందని అభిప్రాయం వ్యక్తం అవుతుంది. కన్జర్వేటివ్స్కు దక్కేవి 131 సీట్లేనని పేర్కొన్నాయి.
ఎన్నికల ఫలితాలు కూడా ఎగ్జిట్ పోల్స్ అంచనాకు అనుగుణంగానే ఉండబోతున్నాయి. చాలా ఏళ్ల తర్వాత సండర్ లాల్ సౌత్ లో తొలి విజయాన్ని అందుకోబోతోంది లేబర్ పార్టీ. సర్ కీర్ స్టార్మర్ సండర్ లాల్ సౌత్ లో ఘన విజయం సాధించబోతున్నారు. లేబర్ పార్టీ ప్రధాని అభ్యర్థి కూడా ఆయనే. పూర్తి మెజారిటీతో లేబర్ పార్టీ అధికారంలో వస్తే స్టార్మర్.. ప్రధాని అయ్యే ఛాన్స్ ఎక్కువగా కనిపిస్తుంది.
మొత్తం 81 స్థానాల్లో లేబర్ పార్టీ అభ్యర్థులే విజయం సాధించారు. అదే సమయంలో కన్జర్వేటివ్స్ 7 నియోజకవర్గాలకు మాత్రమే పరిమితం అయ్యారు. మరో పార్టీ ప్రతిపక్ లిబరల్ డెమోక్రాట్లు 8 స్థానాలను గెలచుకుంది. ప్రస్తుత అధికార పార్టీ కన్జర్వేటివ్ పార్టీ మూడో స్థానానికి పరిమితమైంది.
