Voting Rights In India : ఎవరైనా మన ఓటు వేసినా మనం తిరిగి ఓటుహక్కు వినియోగించుకోవచ్చు

Voting Rights In India :

కేంద్ర ఎన్నికల సంఘం వచ్చే ఎన్నికల్లో కొన్ని కీలక నిర్ణయాలు తీసుకుంటోంది. ఓటర్ల సౌలభ్యం కోసం కొన్ని నిబంధనలు తీసుకొస్తోంది. దీంతో ఓటు వేసేందుకు ఓటర్లకు కొన్ని సడలింపులు చేపడుతోంది. ఇన్నాళ్లు మన ఓటు ఎవరైనా వేస్తే మళ్లీ మనం వేసే అవకాశం ఉండేది కాదు. కానీ ఇప్పుడు తీసుకొచ్చిన కొత్త నిబంధనల ప్రకారం మన ఓటు ఇతరులు వేసినా మళ్లీ మన ఓటుహక్కు వాడుకోవచ్చు.

దీనికి గాను ఎన్నికల సంఘం ఓ కొత్త పద్ధతి తీసుకొచ్చింది. మన ఓటు ఎవరైనా వేసినా, ఓటరు జాబితాలో మన పేరు గల్లంతయినా ఓటరు కార్డు లేదా ఆధార్ కార్డు చూపించి సెక్షన్ 49ఏ కింద చాలెంజ్ ఓటు వేసుకునే వెసులుబాటు కల్పించనుంది. దీంతో దొంగ ఓట్లు వేసినా మన ఓటు మనం వేసుకునే అవకాశం కలుగుతుంది. ఎన్నికల సంఘం తీసుకొచ్చిన నిబంధనలు అందరికి ఆమోదయోగ్యంగానే ఉన్నాయి.

మన ఓటు అప్పటికే ఎవరైనా వేసినట్లయితే భయపడకుండా టెండర్డ్ ఓటు అడగొచ్చు. నిర్భయంగా నా ఓటు నేనే వేసుకుంటానని చెప్పొచ్చు. దీనికి కూడా మనకు అనుకూలమైన నిబంధన తీసుకురావడం గమనార్హం. ఇలా ఓటు వేసే సమయంలో మనకు ఎలాంటి ఇబ్బందులు తలెత్తకుండా ఎన్నికల సంఘం ఏర్పాట్లు చేయడం అభినందనీయమే.

ఏ బూత్ లో అయినా 14 శాతం కంటే ఎక్కువ టెండర్ ఓట్లు పడితే అక్కడ రీ పోలింగ్ నిర్వహించేందుకు అవకాశం ఉంటుంది. దీంతో రాబోయే ఎన్నికలు అత్యంత కీలకంగా మారనున్నాయి. ఓటు వేసే సందర్భంలో ఎలాంటి పొరపాట్లు జరిగినా మొదటికే మోసం వస్తుంది. అందుకే అధికారులు జాగ్రత్తగా ఉండాల్సిన అవసరం ఎంతైనా ఉంటుందని తెలుసుకోవాలి.