Operation Sindhur : ‘ఆపరేషన్ సింధూర్’ అనే పేరును భారత ప్రభుత్వం ఎంచుకున్నదానికి గాఢమైన భావోద్వేగం ఉంది. పహల్గాం ఉగ్రదాడిలో ఉగ్రవాదులు భర్తలను అమానుషంగా హత్య చేయగా, వారి జీవిత భాగస్వాములు కళ్లెదుటే ఈ దారుణాన్ని చూసారు. హిందూ సంప్రదాయంలో సింధూర్ (కుంకుమ) ఓ మహిళ భర్త బతికుండే గుర్తు. ఉగ్రవాదుల దాడి వల్ల ఆ సింధూర్ చెరిగిపోయిందన్న భావనను ప్రతీకగా తీసుకుని, మళ్లీ ఆ మహిళల గౌరవం నిలబెట్టే ప్రయత్నమే ఈ ఆపరేషన్.
ఇక ఇంకొంతమంది, సింధూ నదితో కూడిన భౌగోళిక రాజకీయ కారణాల వల్ల కూడా ఈ పేరును పెట్టారని భావిస్తున్నారు. కానీ ముఖ్యంగా, ఇది పహల్గాం దాడిలో భర్తలను కోల్పోయిన మహిళల బాధను ప్రతిబింబిస్తూ, వారి గౌరవాన్ని తిరిగి నిలబెట్టేందుకు భారత సైన్యం తీసుకున్న నిశ్చయానికి చిహ్నంగా ఈ పేరు నిలుస్తోంది.
