నడిరోడ్డుపైనే కొట్టుకున్న మహిళలు.. వీడియో వైరల్..!

రెండు జుట్లు కలుస్తాయేమో గాని.. రెండు కొప్పులు కలవవని సామెత ఊరికే అనలేదు. ఇద్దరూ ఆడవాళ్లు ఎక్కడ ఉన్నా గొడవలు ఖాయం అని అంటుంటారు. కొన్ని సంఘటనలు చూసినప్పుడు ఇలాంటివే గుర్తొస్తాయి. నీళ్ల కుళాయి దగ్గర నుంచి బస్సు సీట్ల దాకా ఇలాంటి గొడవలెన్నో మనం నిత్యం చూస్తుంటాం. ఇల్లు, వాకిలి రోడ్డు, బహిరంగ ప్రదేశం అని తేడా లేకుండా ఎక్కడపడితే అక్కడ తిట్టుకుంటారు. జుట్లు పట్టి తన్నుకుంటారు. పరువు బజారున పడుతున్నదని తెలిసినా ఏమాత్రం తగ్గరు. చుట్టూ ఎంతమంది ఉన్నా ఎవరు చూస్తున్నా వీళ్ల తన్నులాట వీరిదే. ఇక ఇరుగింటి పొరుగింటి లొల్లులు ప్రత్యేకంగా చెప్పనవసరం లేదు. ఆడవారి మధ్యలో లొల్లికి పోతే మూడో వాడి ముచ్చట తీరుతుందని అందరూ అంటుంటారు. అందుకే ఆడవాళ్ల గొడవల్లోకి ఎవరు వెళ్లరు.  వెళ్తే జరిగేది ఏంటో అందరికీ తెలుసు.

ప్రస్తుతం ఇటువంటి ఘటనకు సంబంధించిన వీడియో ఒకటి సోషల్ మీడియాలో వైరల్ అవుతున్నది. ఈ వీడియోలో ఇద్దరు ఆడవాళ్లు సిగలు పట్టుకొని రోడ్డుపైనే కొట్టుకుంటున్నారు. ఉత్తర ప్రదేశ్ లోని కాన్పూర్ లో జరిగిన ఘటన ఇది. సెవెందు పోలీస్ స్టేషన్ పరిధిలోని పుత్తూరు లో కొట్టుకున్న మహిళలు ఇరుగుపొరుగున జీవిస్తున్నారు. ఓ విషయమై వీరిద్దరి మధ్య ఘర్షణ మొదలైంది. మాట మాట పెరిగే చేతల వరకు వచ్చింది. ఇక రోడ్డుమీదనే పొట్టు పొట్టు  కొట్టుకున్నారు. ఒంటిపై దుస్తులు ఊడిపోతున్నా పట్టించుకోకుండా జుట్లు పట్టుకొని రోడ్డుపై కింద మీద పడ్డారు. వీరిని విడిపించేందుకు ఓ మగాడు ప్రయత్నించినా ఫలితం లేకుండా పోయింది. ఇక అక్కడితో ఆగలేదు. మరికొందరు మహిళలు కూడా ఇందులో జాయిన్ అయ్యారు. ఇంకేం సీన్ రక్తి కట్టింది. కలిసి తన్నుకోవడం చూస్తున్న వాళ్లకి మంచి ఎంటర్టైన్మెంట్ లా మారింది. ఇక ఈ ఘటనను ఒకరు వీడియో తీసి సోషల్ మీడియాలో పెట్టారు. నిమిషాల్లోనే సోషల్ మీడియాలో వైరల్ అయింది. దీనిపై పలువురు కామెంట్లు చేస్తూ ట్రోల్స్ చేస్తున్నారు.. .