World Cup :
ప్రపంచ కప్ -2023 క్వాలిఫయర్స్లో గ్రూప్ దశ చివరి దశకు చేరుకుంది. మరో నాలుగు మ్యాచ్లు మిగిలి ఉన్నప్పటికీ సూపర్ సిక్స్ బెర్త్లు ఇప్పటికే కన్ ఫాం చేసుకున్నాయి. గ్రూప్-ఏ నుంచి జింబాబ్వే, నెదర్లాండ్స్, వెస్టిండీస్ సూపర్ సిక్స్కు చేరుకోగా.. నేపాల్, యూఎస్ఏ జట్లు టోర్నీ నుంచి నిష్క్రమించాల్సి వచ్చింది. గ్రూప్-బీ నుంచి శ్రీలంక, స్కాట్లాండ్, ఒమన్ సూపర్ సిక్స్కు చేరుకున్నాయి. ఐర్లాండ్, యూఏఈ ఇంటికి వెళ్లాయి.
సూపర్ సిక్స్ మ్యాచ్లు జూన్ 29 నుంచి ప్రారంభం కానున్నాయి. సూపర్ సిక్స్లో మొత్తం 9 మ్యాచ్లు ఉంటాయి. ఓ గ్రూప్లోని మూడు జట్లు మరో గ్రూప్లోని మూడు జట్లతో ఒక్కో మ్యాచ్ ఆడాల్సి ఉంటుంది. టోర్నీలో మరో నాలుగు గ్రూప్ దశ మ్యాచ్లు ఆడాలి. ఏ గ్రూప్లో ఏ జట్టు ఏ స్థానంలో ఉంటుందో ఇంకా ఖరారు కాలేదు.
గ్రూప్-ఏలో జింబాబ్వే తొలి స్థానాన్ని ఖరారు చేసుకున్నట్లే. వెస్టిండీస్-నెదర్లాండ్స్ మధ్య మ్యాచ్లో (జూన్ 26) విజయం సాధించిన జట్టు రెండో స్థానంలో ఉంటుంది. గ్రూప్-బీ నుంచి శ్రీలంక-స్కాట్లాండ్ మధ్య మ్యాచ్లో (జూన్ 27) విజేత జట్టు టాప్ లో ఉంటుంది. మరో జట్టు ఒమన్ తమ కోటా మ్యాచ్లు పూర్తి చేసుకోవడంతో ఓడిన జట్టు రెండో స్థానంలోకి వెళ్లి పోతుంది.
సూపర్ సిక్స్కు చేరిన జట్లు తమ గ్రూప్లోని మిగతా రెండు జట్లపై గెలిచి ఉంటే రెండు పాయింట్లతో తదుపరి దశకు చేరుతాయి. గ్రూప్-ఏలో జింబాబ్వే.. తమ గ్రూప్లోని నెదర్లాండ్స్, వెస్టిండీస్పై గెలుపొందడంతో సూపర్ సిక్స్ దశకు రెండు పాయింట్లతో ముందుక వెళ్తుంది. అలాగే గ్రూప్-బీ లో శ్రీలంక-స్కాట్లాండ్ మధ్య జరిగే మ్యాచ్లో విజయం సాధించిన జట్టు రెండు పాయింట్లతో సూపర్ సిక్స్కు వెళ్తుంది.
సూపర్ సిక్స్ షెడ్యూల్ : భారతకాలమానం ప్రకారం మధ్యాహ్నం 12:30 గంటలకు ప్రారంభమవుతాయి.
జూన్ 29: ఏ2 వర్సెస్ బీ2
జూన్ 30: ఏ3 వర్సెస్ బీ1
జూలై 1: ఏ1 వర్సెస్ బీ3
జూలై 2: ఏ2 వర్సెస్ బీ1
జూలై 3: ఏ3 వర్సెస్ బీ2
జూలై 4: ఏ2 వర్సెస్ బీ3
జూలై 5: ఏ1 వర్సెస్ బీ2
జూలై 6: ఏ3 వర్సెస్ బీ3
జూలై 7: ఏ1 వర్సెస్ బీ1
సూపర్ సిక్స్లో మొదటి రెండు స్థానాల్లో నిలిచే జట్లు జూలై 9న జరిగే వరల్డ్కప్ క్వాలిఫయర్ ఫైనల్లో తలపడడంతో పాటు భారత్ వేదికగా జరిగే వన్డే వరల్డ్కప్కు అర్హత సాధిస్తాయి.
