Pawan Kalyan : జనసేన అధినేత పవన్ కల్యాణ్ చేపట్టిన వారాహి యాత్రకు ఊహించని స్పందన వస్తున్నది. విరామం లేకుండా తన యాత్రన కొనసాగిస్తున్నారు.
అయితే పవన్ కల్యాణ్ ఏ మీటింగ్ పెట్టినా అభిమానులు వేలాదిగా తరలివస్తుంటారు. అలాంటిది పార్టీ ప్రచార యాత్ర అంటే ఇక ఏ రేంజ్ లో ఫ్యాన్స్ తాకిడి ఏ రేంజ్ లో ఉంటుందో అర్థం చేసుకోవచ్చు. వైపీపీ పార్టీకి మరో పది నెలల టైమ్ మాత్రమే ఉందని, ఆ తర్వాత జరిగే ఎన్నికల్లో జగన్ అవినీతి ప్రభుత్వాన్ని మరోసారి అధికారంలోకి రానివ్వబోమని పవన్ చేస్తున్న వ్యాఖ్యలు జనసైనికుల్లో హుషారు నింపుతున్నాయి. పవన్ తన యాత్రలో భాగంగా ఉదయం పూట అన్ని వర్గాలతో సమావేశాలు ఏర్పాటు చేస్తున్నారు. ప్రతి నియోజకవర్గానికి రెండు రోజులు కేటాయించేలా ప్లాన్ చేసుకుంటున్నారు. వీలైనంత ఎక్కువ మందిని కలిసేందుకు ప్రయత్నిస్తున్నారు. అధికార పార్టీపై విమర్శల్లో పవన్ తనదైన మార్క్ చూపిస్తూనే దూకుడుగా వ్యవహరిస్తున్నారు. తన ఒక్కడిని ఓడించేందుకు అధికార పార్టీ ఎన్ని ప్రయత్నాలు చేస్తున్నదో కూడా చెప్పుకొస్తున్నాడు. కేవలం తన ఒక్కడిని అసెంబ్లీలోకి రాకుండా అడ్డుకునేందుకు వైసీపీ నాయకులు రెండు వందల కోట్లు ఖర్చు పెట్టేందుకు సిద్ధమవుతున్నారంటూ అధికార పార్టీని టార్గెట్ చేస్తున్నారు. అధికార పార్టీ చేస్తున్న దురాగతాలపై తనదైనశైలిలో విరుచుకు పడుతున్నారు. పవన్ ఎక్కడ నుంచి పోటీ చేస్తారనే విషయంపై ఇప్పటికైతే ఇంకా నిర్ణయానికి రాలేదని తెలుస్తున్నది. తన యాత్రను వస్తున్న స్పందన చేసి అధికార పార్టీ గుండాలు తనను చంపేందుకు సుపారీ ఇచ్చారని పవన్ కల్యాణ్ ఆరోపిస్తున్నారు. అధికార పార్టీ క్రూరంగా ఆలోచిస్తున్నదని విమర్శిస్తున్నారు. పవన్ కళ్యాణ్ వారాహి యాత్రకు ప్రజల నుంచి మంచి వస్తున్నమ స్పందన వైఎస్సార్సీపీ నేతలను భయాందోళనలకు గురిచేస్తోందని ఆ పార్టీ నాయకులు పేర్కొంటునన్నారు. రోడ్షోపై కు విపరీతంగా జనాలు వస్తున్నారని చెబుతున్నారు. రాష్ర్టంలో గంజాయి అక్రమ రవాణా, ఇసుక అక్రమ రవాణా, మద్యం అక్రమ రవాణా, అసాంఘిక కార్యకలాపాలు పెరిగిపోయాయని, ఇది భవిష్యత్ కు మంచిది కాదని పవన్ కల్యాన్ అధికార పార్టీ వైఫల్యాలను ఎండగడుతున్నారు.విశాఖలో నేరాలు, భూకబ్జాలు పెరుగుతున్నాయని ఆరోపిస్తున్నారు. వైఎస్సార్సీపీ ప్రభుత్వానికి మరో 10 నెలల గడువు మాత్రమే ఉందని, ఆ పార్టీకి ప్రజలు తగిన గుణపాఠం చెప్పాలని కోరుతున్నారు.
