Undavalli : పాత కాపులు ఒక్కటి అవుతున్నాడు. నాడు వైఎస్ఆర్ హయాంలో వెలుగు వెలిగిన నేతలు అందరినీ ఒక్కటి చేసేలా రాజకీయాన్ని రగిలిస్తున్నాడు వైసీపీ అధినేత జగన్. ఇప్పటికే కాంగ్రెస్ ఏపీ అధ్యక్షులుగా చేసిన సాకే శైలజానాథ్ ను పార్టీలో చేర్చుకున్న జగన్ తాజాగా మరో పెద్ద లీడర్ ను వైసీపీలోకి చేర్చుకోవడానికి రంగం సిద్ధం చేశారు.
వైఎస్ రాజశేఖర్ రెడ్డి వల్ల రాజకీయాల్లోకి వచ్చి మార్గదర్శి పై కేసులతో రామోజీరావును చెడుగుడు ఆడిన కాంగ్రెస్ నేత, మాజీ ఎంపీ ఉండవల్లి అరుణ్ కుమార్ వైఎస్సార్ కాంగ్రెస్ పార్టీలో చేరడానికి రంగం సిద్ధమైంది. గతంలో, ఆయన రాజకీయాల నుండి రిటైర్ అయ్యానని, మళ్లీ కాంగ్రెస్లో చేరే అవకాశం లేదని స్పష్టం చేసిన ఆయన తాజాగా జగన్ పిలుపుతో మళ్లీ వైసీపీలో చేరడానికి రెడీ అయినట్టు సమాచారం.
కాంగ్రెస్ లో వెలుగు వెలిగి వైఎస్ఆర్ మరణం అనంతరం రాజకీయాలు వదిలేసిన దిగ్గజ కాంగ్రెస్ నేతలు అందరినీ ఏకతాటిపైకి తీసుకొచ్చి పార్టీని బలోపేతం చేసేందుకు జగన్ అడుగులు వేస్తున్నట్టు తెలుస్తోంది.
