ఆంజనేయుడికి సూర్యుడికి అనుబంధం ఉందని రామాయణం చెబుతోంది. వాల్మీకి రచించిన రామాయణంలో వీరి ప్రస్తావన ఉంది. ఒకసారి ఆంజనేయుడు సూర్యుడిని మింగాలని చూస్తాడు. అప్పుడు వారి మధ్య మాటలు నడిచినట్లు రామాయణం సూచిస్తోంది. తరువాత కూడా వీరిద్దరు కలుసుకున్నట్లు చెబుతుంది. సూర్యుడు, హనుమంతుడి మధ్య సంబంధం ఏర్పడటానికి కారణాలేంటి?
సూర్యుడిని తన గురువుగా ఎంచుకుంటాడు హనుమంతుడు. తనకు విద్య నేర్పాలని కోరతాడు. కానీ దానికి సూర్యుడు అంగీకరించడు. లోకాలు తిరిగే తనకు నీకు విద్య నేర్పు సమయం ఎక్కడ ఉంటుందని తిరస్కరిస్తాడు. కానీ ఆంజనేయుడు పట్టుబట్టి మరీ సూర్యుడిని ఒప్పిస్తాడు. మైనాకుని వినయంతోను సింహికను శక్తితోనే సురసను యుక్తితోను జయించవచ్చని సూర్యుడి దగ్గర నేర్చుకుంటాడు.
ఆంజనేయుడికి పెళ్లి కాలేదని చెబుతుంటారు. కానీ సూర్య పుత్రిక సువర్చల ఆంజనేయుడి భార్యగా రామాయణం చెబుతోంది. సూర్యుడి కుమార్తె అయిన సువర్చలను హనుమంతుడు వివాహం చేసుకున్నట్లు వాల్మీకి రామాయణంలో పేర్కొన్నాడు. వీరిద్దరి మధ్య మామ అల్లుళ్ల సంబంధం ఉందని చెబుతుంటారు. ఇలా ఆంజనేయుడి వివాహం గురించి కొన్ని ప్రస్తావనలు ఉన్నాయి.
సూర్యుడి శిష్యుడైన హనుమంతుడు సూర్యపుత్రుడైన సుగ్రీవుడితో చెలిమి చేశాడు. రాముడిని ఆంజనేయుడికి పరిచయం చేసింది కూడా సుగ్రీవుడే. ఇలా సూర్యుడికి హనుమంతుడికి మధ్య మంచి సంబంధ బాంధవ్యాలు ఉన్నాయి. రామాయణంలో హనుమంతుడిపాత్రే కీలకం. వారిని కలపడంలో వారికి సేవ చేయడంలో ఆంజనేయుడిని మించిన వారు ఎవరు లేరు.