మనం రోజు ఉదయం లేవగానే కొన్ని పనులు చేస్తుంటాం. అందులో మంచివి ఏవో చెడు కలిగించేవి ఏంటో తెలియదు. అందుకే మనం ఏది పడితే అది చేస్తుంటాం. దీని వల్ల మనకు నష్టాలు చోటుచేసుకునే అవకాశం కూడా ఉంటుంది. ఈ నేపథ్యంలో మనం నిద్ర లేచిన వెంటనే ఏ పనులు చేయకూడదో తెలుసుకోవాలి. లేకపోతే ఇబ్బందులు వస్తాయి.
ఉదయం నిద్ర నుంచి మేల్కోగానే కొందరు అద్దం చూస్తుంటారు. దీని వల్ల దారిద్ర్యమే. మనం లేచిన తరువాత అద్దం చూడకూడదు. దీని వల్ల అరిష్టం కలుగుతుంది. వంట గదిలోకి వెళ్లి వంట పాత్రలు తీస్తారు. ఇది కూడా కరెక్టు కాదు. లేవగానే ఎంగిలి పాత్రలు చూడకూడదు. దీని వల్ల కూడా మనకు సమస్యలు వస్తాయి. రాత్రి భోజనం చేసిన తరువాత పాత్రలు శుభ్రం చేసుకుని పెట్టుకోవడమే సురక్షితం.
ఉదయం సమయంలో యోగా, వ్యాయామం చేస్తుంటాం. అలా చేసేటప్పుడు మన నీడ మనకు కనిపిస్తుంది. ఆ నీడను చూడటం కూడా అరిష్టమే. ఇంట్లో గోడలకు క్రూరమైన జంతువుల ఫొటోలు పెట్టుకుంటారు. అది కూడా మంచిది కాదు. ప్రశాంతమైన వాతావరణం ఉండేలా చూసుకోవాలి. కానీ ఇలా క్రూరమైన ఫొటోలు ఉంచుకోవడం కూడా శ్రేయస్కరం కాదు.
ఇంట్లో నెగెటివ్ ఎనర్జీ వచ్చే ఫొటోలు ఉంచుకోకూడదు. వాటిని చూస్తే కూడా మనకు దారిద్ర్యం తాండవిస్తుంది. ఉదయం లేచిన వెంటనే దేవుళ్ల ఫొటోలు చూడటం ఉత్తమం. దీని వల్ల మనకు మంచి జరుగుతుంది. ఈ నేపథ్యంలో వాస్తు ప్రకారం వస్తువులు ఉంచుకున్నట్లే ఉదయం పూట కూడా మంచి జరిగేందుకు మంచి పద్ధతులు పాటించాలి. దీని వల్ల కూడా మనకు కష్టాలు రాకుండా ఉంటాయి.
