KA Movie Trailer:యంగ్ అండ్ టాలెంటెడ్ హీరో కిరణ్ అబ్బవరం తన్వి రామ్, నయన్ సారిక జంటగా నటించిన పీరియాడిక్ థ్రిల్లర్ ‘క’తో సంచలనం సృష్టించబోతున్నాడు. ఇప్పటికే ఈ సినిమా ప్రమోషనల్ కంటెంట్ ప్రేక్షకులను కట్టిపడేసింది. ఇటీవల విడుదలైన ట్రైలర్ సోషల్ మీడియాలో సెన్సేషన్ క్రియేట్ చేస్తూ పాజిటివ్ ఫీడ్ బ్యాక్ తో పాటు మిలియన్ల కొద్దీ వ్యూవ్స్ ను సొంతం చేసుకుంది. ట్రైలర్ సక్సెస్ ను పురస్కరించుకుని చిత్రబృందం ఈ రోజు ప్రెస్ మీట్ నిర్వహించింది.
కిరణ్ అబ్బవరం మాట్లాడుతూ ‘క’ ట్రైలర్ కు వచ్చిన రెస్పాన్స్ చాలా బాగుంది. 31న సినిమా విడుదల కాబోతోంది. రిలీజ్ కు నాలుగు రోజులు మాత్రమే ఉండడంతో మేమంతా థ్రిల్ గా ఫీలవుతున్నాం. మరో వారం తర్వాత కన్నడ, తమిళ, మలయాళ భాషల్లో విడుదల చేసేందుకు సన్నాహాలు చేస్తున్నాం. తమిళనాట థియేటర్ల లభ్యత సమస్యలు, మలయాళంలో దుల్కర్ నటించిన లక్కీ భాస్కర్ సినిమాను ఒకేసారి విడుదల చేయడం వల్ల ‘క’ విడుదలను వాయిదా వేయాలని యూనిట్ భావిస్తోంది. తెలుగులో విజయం సాధిస్తే ఇతర భాషల్లోనూ మంచి రెస్పాన్స్ వస్తుందని ఆశిస్తున్నాం’ అన్నారు.
క గురించి ఆయన మాట్లాడుతూ కథాంశం ప్రేక్షకులకు చేరాల్సిన అవసరం అనిపించింది. గత అనుభవాల నుంచి పాఠాలు నేర్చుకొని ఈ సినిమాతో మొదటి నుంచి చివరి వరకు జాగ్రత్తగా వ్యవహరించాం. మా క్లైమాక్స్ 20 నిమిషాల నిడివితో కూడిన సర్ ప్రైజ్ లతో ప్రేక్షకులను కట్టిపడేస్తుంది.’ అన్నారు.
తన పాత్ర గురించి కిరణ్ మాట్లాడుతూ ‘వాసుదేవ్ అనే నా పాత్ర పోస్ట్ మ్యాన్ వృత్తి కలిగి ఉంటుంది. పొరుగువారి గురించి తెలుసుకోవడం కుతూహలంగా ఉంటుంది. అందుకు వారికి వచ్చిన ఉత్తరాలను చదువుతాడు. ఇలా ఒక ఉత్తరం తన జీవితాన్ని మలుపు తిప్పుతుంది. అసలు ఆ ఉత్తరంలో ఏముంది అనేది థియేటర్లలో చూడాల్సిందే అన్నాడు. క మా కష్టానికి గుర్తింపు తెచ్చిపెడుతుందనే నమ్మకం ఉంది.’ అని అన్నారు.
