అగ్రరాజ్యం అమెరికా భారతీయులకు శుభవార్త తెలిపింది. ఇకపై గ్రీన్ కార్డ్ ను కోటా ప్రకారం ఇవ్వకూడదనే సంచలన నిర్ణయం తీసుకుంది. అంటే ప్రతిభ ఆధారంగా ఎంత మందికి కావాలంటే అంతమందికి గ్రీన్ కార్డ్ ఇస్తారు కానీ ఈ దేశానికి ఇంతే కోటా ఇవ్వాలనే నిర్ణయాన్ని వెనక్కి తీసుకుంటోంది అమెరికా.
ఈమేరకు కొత్తగా సవరించిన బిల్లు ” ఈక్వల్ యాక్సెస్ టు గ్రీన్ కార్డ్స్ ఫర్ లీగల్ ఎంప్లాయిమెంట్ ” చట్టం 2022 ప్రతినిధుల సభలో ప్రవేశ పెట్టనున్నారు. ఈ బిల్లుకు అమెరికా ప్రెసిడెంట్ జో బైడెన్ మద్దతు ఇవ్వడంతో సెనేట్ లో అలాగే ప్రతినిధుల సభలో కూడా ఆమోదం లభించడం ఖాయమని భావిస్తున్నారు. ఈ బిల్లు కనుక ఆమోదం పొందితే ఎక్కువగా భారతీయులు లాభపడనున్నారు. గ్రీన్ కార్డు కోటా వల్ల ఎక్కువమంది ఆ ప్రయోజనం పొందలేకపోతున్నారు. ఇప్పుడు కోటాకు టాటా చెబుతుండటంతో తప్పకుండా భారతీయులకు ప్రయోజనం చేకూరనుంది.