ఈరోజు 10 వ తరగతి పరీక్షలు ప్రారంభం అవుతుండటంతో పలువురు ప్రముఖులు పదవ తరగతి విద్యార్థినీ విద్యార్థులకు శుభాకాంక్షలు తెలిపారు. ఇక అదే కోవలో తెలంగాణ ఎమ్మెల్సీ కవిత కూడా స్టూడెంట్స్ కు శుభాకాంక్షలు చెబుతూనే రాష్ట్ర ప్రభుత్వం అన్ని రకాల ఏర్పాట్లు చేసిందని , ఒత్తిడికి లోనవ్వకుండా పరీక్షలు రాసి మరో జీవితంలో కీలకమైన అడుగు ముందుకు వేయాలని కోరుతూ ట్వీట్ చేసింది.
కట్ చేస్తే ఎమ్మెల్సీ కవిత చేసిన ట్వీట్ లోని ప్రతీ అక్షరాన్ని కాపీ చేసి పేస్ట్ చేసినట్లున్నారు ఆంధ్రప్రదేశ్ కు చెందిన మాజీ మంత్రి , ఎమ్మెల్యే అనిల్ కుమార్ యాదవ్ . అయితే అక్షరం పొల్లు పోకుండా యాజిటీజ్ గా ఉండటంతో పాపం మాజీ మంత్రి అనిల్ కుమార్ పై సెటైర్లు బాగానే పడుతున్నాయి. ఎమ్మెల్సీ కవిత ట్విట్టర్ టీమ్ అలాగే అనిల్ కుమార్ ట్విట్టర్ టీమ్ ఒకటేనా ? లేక అనుకోకుండా ఇలా వచ్చిందా ? లేదంటే కవిత ట్వీట్ ను కాపీ చేసి పేస్ట్ చేసారా అన్నది తేలాల్సి ఉంది. అయితే ఈ విషయంలో ఎమ్మెల్యే అనిల్ కుమార్ యాదవ్ కు ఇబ్బంది కరమైన పరిస్థితి ఏర్పడింది అనే చెప్పాలి. తెలుగుదేశం పార్టీ మీద అలాగే పవన్ కళ్యాణ్ మీద తీవ్ర స్థాయిలో విరుచుకు పడే అనిల్ కుమార్ ఇలా బుక్కై పోవడం వింతగా ఉంది. దాంతో నెటిజన్లు సెటైర్లు బాగానే వేస్తున్నారు. ఇక తెలుగు తమ్ముళ్లు , జనసేన సైనికులు కూడా ఆడుకుంటున్నారు.
