Alapati Rajendra Prasad : ఉమ్మడి కృష్ణా, గుంటూరు జిల్లాల్లో జరిగే పట్టభద్రుల ఎమ్మెల్సీల ఎన్నికల్లో కూటమి ప్రభుత్వం బలపరిచిన అభ్యర్థిగా సీనియర్ నేత ఆలపాటి రాజేంద్రప్రసాద్ పోటీ చేస్తున్న సందర్బంగా ఎన్డీఏ కూటమి ఆధ్వర్యంలో ఆత్మీయ సమావేశం ఏర్పాటు చేశారు. ఈ కార్యక్రమంలో రాష్ట్ర మంత్రి సత్యకుమార్ యాదవ్ , విజయవాడ పార్లమెంట్ సభ్యులు కేశినేని శివనాథ్ , ఎమ్మెల్యేలు గద్దె రామ్మోహన్ రావు , సుజనా చౌదరి , బోండా ఉమామహేశ్వర రావు , వసంత కృష్ణప్రసాద్ , కొలికపూడి శ్రీనివాస్ , తంగిరాల సౌమ్య , ఎమ్మెల్సీ అశోక్ బాబు పాల్గొన్నారు.
అలాగే బీజేపీ స్టేట్ మీడియా ఇన్ ఛార్జ్ శ్రీ. పాతూరి నాగభూషణం , కూటమి నాయకులు కూడా పాల్గొని.. ఆంధ్రప్రదేశ్ అన్ని విధాలా అభివృద్ధి సాధించాలంటే కూటమి ప్రభుత్వానికి మద్దతు తెలియజేయాల్సిన అవసరం ఉందని. పట్టభద్రులు అందరూ ఆలపాటి రాజేంద్రప్రసాద్ కి తొలి ప్రాధాన్యత ఓటు వేసి అత్యధిక మెజారిటీతో గెలిపించాలని అభ్యర్ధించారు.
