మాజీ ఉప ముఖ్యమంత్రి, స్టేషన్ ఘన పూర్ ఎమ్మెల్యే డాక్టర్ తాటికొండ రాజయ్య పై లైంగిక ఆరోపణలు చేసి సంచలనం సృష్టించింది అదే పార్టీకి చెందిన జానకి పురం సర్పంచ్ నవ్య. ఎమ్మెల్యే రాజయ్య తనపై ఎక్కడెక్కడో చేతులు వేసి ఇబ్బందులు పెడుతున్నారని, నేను నీ బిడ్డ లాంటిదానిని అని చెప్పి వేసుకున్నా కనికరించడం లేదని, తన కోరికలు తీర్చకపోతే పెండింగ్ లో ఉన్న బిల్లులు రాకుండా అడ్డుకుంటున్నారని ఆవేదన వ్యక్తం చేసింది మహిళా సర్పంచ్.
ఎమ్మెల్యే రాజయ్య వేధింపులు అన్ని ఫోన్ కాల్ లో రికార్డ్ అయ్యాయని సరైన సమయంలో అవి బయట పెడతానని అంటోంది. అయితే రాజయ్యపై గతంలో కూడా పలుమార్లు లైంగిక ఆరోపణలు వచ్చాయి. తాజాగా వచ్చిన ఆరోపణలపై స్పందించారు రాజయ్య. త్వరలోనే ఎన్నికలు రాబోతున్నాయి కాబట్టి నాకు టికెట్ దక్కకుండా పార్టీలోని కొందరు శిఖండి లాగా తయారై డ్రామాలు ఆడిస్తున్నారని త్వరలోనే కేసీఆర్ ను కలిసి అన్నీ వివరిస్తానని అన్నారు.
