గోవా భామ ఇలియానా ఐటెం గర్ల్ గా మారనునట్లు తెలుస్తోంది. హిందీలో బ్రహ్మాండం బద్దలు కొడతాను అంటూ తెలుగు చిత్రాలను పక్కన పెట్టి మరీ బాలీవుడ్ చెక్కేసిన ఈ భామకు బాలీవుడ్ లో పెద్దగా అవకాశాలు దక్కలేదు. ఇక వచ్చన అరకొర సినిమాలు ఈ భామకు ప్రత్యేకంగా గుర్తింపుని ఇవ్వలేకపోయాయి. అయితే చేతిలో పెద్దగా సినిమాలు లేకపోయినా బాయ్ ఫ్రెండ్ తో చెట్టాపట్టాలేసుకొని తెగ ఎంజాయ్ చేస్తూ వార్తల్లో నిలుస్తూనే ఉంది. తాజాగా ఈ భామ రవితేజ హీరోగా నటిస్తున్న ” రామారావు ఆన్ డ్యూటీ ” అనే సినిమాలో ఐటెం సాంగ్ చేయనున్నట్లు తెలుస్తోంది.
ఇంతకుముందు ఇలియానా – రవితేజ కాంబినేషన్ లో పలు చిత్రాలు వచ్చినప్పటికీ ” కిక్ ” అనే సినిమా మాత్రం బ్లాక్ బస్టర్ అయ్యింది. దేవుడు చేసిన మనుషులు , ఖతర్నాక్ , అక్బర్ అమర్ ఆంటోనీ చిత్రాలు మాత్రం డిజాస్టర్ గా నిలిచాయి. రవితేజ – ఇలియానా కాంబినేషన్ లో 4 చిత్రాలు రాగా ఒక్కటి మాత్రమే సూపర్ హిట్.
అయితే రామారావు ఆన్ డ్యూటీ చిత్రంలో మాత్రం హీరోయిన్ గా కాదు ఐటెం గర్ల్ గా మారనుందట. ఇలియానా ఐటెం సాంగ్ ఈ సినిమాకు హైలెట్ గా నిలుస్తుందని పైగా ప్రేక్షకులను అలరించేలా ఉంటుందని ధీమాగా ఉన్నారట. ఇక ఈ భామకు రవితేజ అంటే ప్రత్యేకమైన అభిమానం దాంతో రవితేజ సినిమాలో ఐటెం సాంగ్ చేయడానికి ఒప్పుకున్నట్లు తెలుస్తోంది.
