ఈరోజు హైదరాబాద్ లోని ఉప్పల్ స్టేడియంలో హైదరాబాద్ సన్ రైజర్స్ , రాజస్థాన్ రాయల్స్ మధ్య మ్యాచ్ జరిగింది. అయితే హైదరాబాద్ సన్ రైజర్స్ హోమ్ గ్రౌండ్ కావడంతో అభిమానులు కాస్త ఆశలు పెట్టుకున్నారు పొరపాటున గెలుస్తారేమోనని ….. అయితే గెలుపు మా ఇంటా వంటా లేదు …… ఇప్పుడు మాత్రం ఎలా గెలుస్తాం అంటూ ప్రేక్షకులకు మరోసారి చాటి చెప్పారు. రాజస్థాన్ రాయల్స్ మొదట బ్యాటింగ్ చేసి 20 ఓవర్లలో 203 పరుగులు చేసింది. జోస్ బట్లర్ బ్యాటింగ్ తో విధ్వంసం సృష్టించాడు. దాంతో భారీ పరుగుల లక్ష్యాన్ని హైదరాబాద్ సన్ రైజర్స్ ముందుంచారు.
ఇక 204 పరుగుల భారీ లక్ష్యంతో బరిలోకి దిగిన హైదరాబాద్ సన్ రైజర్స్ కు ఆది లోనే కష్టాలు మొదలయ్యాయి. 20 ఓవర్లలో 8 వికెట్ల నష్టానికి 131 పరుగులు మాత్రమే చేయగలిగింది. దాంతో 73 పరుగుల భారీ తేడాతో హైదరాబాద్ సన్ రైజర్స్ ఓటమి పాలయ్యింది.
