Kadapa MP YS Avinash Reddy : అవినాష్ తల్లికి శస్త్ర చికిత్స జరగలేదా.. సునీత ఏం చెబుతోంది?

Kadapa MP YS Avinash Reddy :  వైఎస్ రాజశేఖర్ రెడ్డి సోదరుడు మాజీ మంత్రి వైఎస్ వివేకానంద రెడ్డి హత్య కేసులో ఆరోపణలు ఎదుర్కొంటున్న కడప ఎంపీ అవినాష్ రెడ్డి పై తన సోదరి సునీతా రెడ్డి ఘాటు వ్యాఖ్యలు చేశారు.  తన తల్లికి ఆపరేషన్ జరుగుతున్న దని అవినాష్ రెడ్డి కోర్టుకు సమర్పించింది అబద్ధమని తెలంగాణ హైకోర్టులో బుధవారం ఆమె మెమో దాఖలు చేశారు.

తన తల్లికి గుండె బ్లాకులు మూసుకుపోవడంతో చికిత్స జరుగుతోందని అవినాష్ రెడ్డి తరఫున లాయర్ చెప్పారని, మీడియా కథనాల ప్రకారం ఆమెకు ఎలాంటి చికిత్స జరగలేదని పేర్కొన్నారు. చికిత్స జరుగుతుంది అని చెప్పడానికి ఎలాంటి ఆధారాలు లేవని ,గత ఆదేశాల ప్రకారం అవినాష్ రెడ్డి పై చర్యలు తీసుకోవాలని సునీత రెడ్డి తరఫున లాయర్ కోరారు అయితే సునీతా రెడ్డి దాఖలు చేసిన మెమో ను న్యాయమూర్తి స్వీకరించారు.

కడప ఎంపీ వైఎస్ అవినాష్ రెడ్డికి ఇప్పటికే హైకోర్టు షరతులతో కూడిన ముందస్తు బెయిల్ మంజూరు చేసింది. నిబంధనలు అతిక్రమిస్తే సిబిఐ అవినాష్ పై కోర్టును ఆశ్రయించవచ్చని పేర్కొంది. అయితే హైకోర్టు తీర్పుపై సునీత ఆసంతృప్తిగా ఉన్నారు. జూన్ 30లోగా దర్యాప్తును పూర్తి చేయాలని సుప్రీంకోర్టు ఆదేశాలు నేపథ్యంలో ప్రస్తుతం  బెయిల్ ఇస్తే విచారణకు ఆటంకం కలుగుతుందని ఆమె భావిస్తున్నారు. అయితే వివేకా హత్య కేసులో మరికొందరిపై కూడా ఆమెకు అనుమానాలు ఉన్నట్లు తెలుస్తున్నది. అయితే ప్రతి శనివారం విచారణకు హాజరుకావాలని కోర్టు ఆదేశించిన నేపథ్యంలో అవినాష్ రెడ్డి ఈ వారం హాజరవుతారా లేదా అనేది వేచి చూడాల్సి ఉంది. అవినాష్ రెడ్డి పాత్ర పై ఇప్పటివరకు సిబిఐ ఎలాంటి  ఆధారాలు చూపకపోవడంతోనే ముందస్తు బెయిల్ రావడానికి కారణం అని పలువురు భావిస్తున్నారు