Mother Father : నాన్న.. నీ మనసు వెన్న

Mother Father : అమ్మ జన్మనిస్తుంది. నాన్న ప్రేమనిస్తాడు. మన జీవితం ఎలా ఉండాలనే దానిపై నిరంతరం ఆలోచిస్తాడు. మనకు మార్గదర్శకుడిగా నిలుస్తాడు. మన కష్టాల్లో అండగా నిలుస్తాడు. ఆపదల్లో తోడుగా ఉంటాడు. ఇలా నాన్నలు మనకు ముఖ్యమైన వారు. అమ్మాయిలకు నాన్నంటే అబ్బాయిలకు అమ్మంటే ఇష్టం ఉంటుంది. ఆడపిల్లలు నాన్నంటే ఎంతో ఇష్టపడతారు. తమ పిల్లల జీవితాలు సరైన మార్గంలో నడవాలని ఆశిస్తుంటాడు.

సోనోరా స్మార్ట్ డాడ్ అనే మహిళ ఫాదర్స్ కోసం రోజు ఉండాలని ఫాదర్స్ డే జరుపుకోవాలని భావించింది. ఇందుకోసం 1910లో అమెరికాలో మొదటి సారిగా ఫాదర్స్ డే జరుపుకుంది. 1966 సంవత్సరంలో ప్రెసిడెంట్ లిండన్ జాన్సన్ జూన్ మూడో ఆదివారాన్ని ఫాదర్స్ డే గా జరుపుకోవాలని అధికారికంగా ప్రకటించారు. అప్పటి నుంచి జూన్ మూడో ఆదివారం ఫాదర్స్ డే గా జరుపుకుంటున్నారు.

పిల్లల కోసం నాన్న నిరంతరం శ్రమిస్తాడు. పిల్లల అభివృద్ధే ధ్యేయంగా కష్టపడతాడు. వారి సంక్షేమం కోసమే తపిస్తాడు. అదే నాన్న ప్రేమ. తన సంతానం కోసం జీవితాన్ని త్యాగం చేస్తాడు. తాను ఎంత కష్టపడ్డా సరే పిల్లలు మాత్రం కష్టపడకూడదని తలుస్తాడు. వారి ఎదుగుదలకు తన జీవితాన్నే పణంగా పెడతాడు. నిరంతరం వారి గురించే ఆలోచిస్తాడు.

నాన్న అంటే పిల్లల బాగోగులు చూసేవాడు. అమ్మ ఆకలి తీరుస్తుంది. నాన్న మన అభివృద్ధికి బాటలు వేస్తాడు. జీవితంలో మనం పైకి ఎదగాలని మంచి ఉద్యోగం సంపాదించి మంచి స్థాయిలో నిలవాలని కల కంటుంటాడు. ఇలా నాన్న కలలను తీర్చే పిల్లలు ఎంత మంది ఉన్నారు. కన్నవారి కలలను తీర్చే సంతానం ఉంటే ఆ తండ్రి నిజంగా గొప్పవాడే.