పాన్ ఇండియా స్టార్ ప్రభాస్ నటిస్తున్న ఆదిపురుష్ పై అంచనాలు పెరుగుతున్నాయి. ఇప్పటికే ప్రతిష్ట్మాతక ట్రిబెకా ఫెస్టివల్ లో చోటు సంపాదించుకుని… ఇంటర్నేషనల్ లెవల్ కి వెళ్లింది. దీంతో ఇప్పటి వరకు సినిమాపై ఉన్న నెగిటివిటిని చెరిపేసుకునేందుకు గట్టిగానే ప్రయత్నం చేస్తోంది టీం. టీజర్, పోస్టర్లలతో పాటు కోర్టులు కేసులు, కాపీమరకలకు చెక్ పెట్టాలని డిసైడ్ అయింది. సినిమా గురించి విమర్శలు కురిపిస్తున్న వారిచే శభాష్ అనుపించుకునే ప్రయత్నం చేస్తోంది. అందులో బాగంగా రిలీజ్ చేసి ఫస్ట్ సింగిల్ కు అదిరిపోయే రెస్సాన్స్ తెచ్చుకోవడంతో పాటు నెట్టింట హల్చల్ చేస్తోంది
అక్షయ తృతీయ సందర్భంగా ప్రభాస్ అభిమానులకు అద్భుతమైన ట్రీట్ ఇచ్చింది ఆదిపురుష్ టీం. ఎన్నో రోజులుగా ఎదురుచూస్తున్న ఫస్ట్ సింగిల్ వచ్చేసింది. జై శ్రీరామ్ అంటూ సాగే సాంగ్ అభిమానుల్లో గూస్బంప్స్ తెప్పిస్తోంది. శ్రీ రాముడు శౌర్యం, శక్తి, బలం కనిపిస్తోంది. సద్గుణం, దాతృత్వం, బలమైన పాత్ర స్వరూపం, రాఘవ అనేక మాటలతో మొదలైన పాట చివరిగా జై శ్రీ రామ్ జై శ్రీ రామ్ రాజారాం..అని కొనసాగుతున్న సాంగ్ ఆకట్టుకుంటుంది. వీడియో చివర్లో ప్రభాస్ మోషన్ పోస్టర్ ను ఆవిష్కరించారు. తండ్రి వాక్కుకు కట్టుబడి, ఒకే బాణం ఒకే భార్య అనే మాటకు ఆదర్శనంగా నిలిచినా శ్రీ రామ లక్షణాలకు ప్రతీకగా ఈ పోస్టర్ కనిపిస్తోంది. రావణుడితో యుద్ధం చేసే సమయంలో పదితలల రాక్షసుడిపై బాణం ఎక్కు పెట్టినట్లుగా ఉన్న పవర్ ఫుల్ పోస్టర్ అభిమానులకు తెగ నచ్చేసింది.
జైశ్రీరామ్ అంటూ సాగే ట్యూన్ రోమాలు నిక్కబోడుచుకునేలా ఉందంటూ కామెంట్స్ చేస్తున్నారు ఫ్యాన్స్. వీఎఫ్ఎక్స్ పక్కనపెడితే ఈ సినిమా పై అంచనాలు ఎక్కువగానే ఉన్నాయి. మొత్తానికి ఇప్పుడిప్పుడే మెల్లగా ఆదిపురుష్ పై పాజిటివిటీ పెరుగుతోంది. దీంతో ఆదిపురుష్ మెల్లగా ఊపందుకుంటోంది. టీమ్ రోజుకో అడుగు ముందుకు వేస్తోంది. ప్రమోషన్స్ ను షురూ చేయడంతో పాటు సినిమాపై బజ్ ను క్రియేట్ చేసేలా ప్లాన్ చేస్తున్నారు.
ఇక ట్రిబెకా ఫిల్మ్ ఫెస్టివల్ కోసం రెడీ చేసిన టీజర్ కు అదిరిపోయే రెస్పాన్స్ వచ్చింది. రీషూట్ లో అన్ని విజువల్స్ మెరుగ్గా పరిచినట్లు తెలుస్తోంది. అతి త్వరలో కొత్త టీజర్ ను విడుదల చేయనున్నట్లు తెలుస్తోంది. ఈ మూవీ జూన్ 16న ప్రపంచవ్యాప్తంగా భారీస్థాయిలో రిలీజ్ చేసేందకు మేకర్స్ రెడీ అవుతున్నారు.