కింగ్ ఖాన్ షారుఖ్ ఖాన్ హీరోగా నటించిన పఠాన్ విడుదల వాయిదా పడనుందా ? అంటే అవుననే అంటున్నాడు వివాదాస్పద రివ్యూ రైటర్ కమల్ ఆర్ ఖాన్ ( కేఆర్కె ) . షారుఖ్ – దీపికా పదుకొన్ జంటగా నటించిన పఠాన్ జనవరి 25 న భారీ ఎత్తున విడుదల చేయడానికి సన్నాహాలు చేస్తున్నారు.
సిద్దార్థ్ ఆనంద్ దర్శకత్వంలో తెరకెక్కిన ఈ చిత్రం నుండి ఇటీవల ” బేషరం రంగ్ ” అనే పాట విడుదల కాగా ఆ పాట తీవ్ర వివాదాన్ని రాజేసింది. ముఖ్యంగా దీపికా పదుకోన్ వస్త్రధారణ మీద పెద్ద ఎత్తున వ్యతిరేకత వచ్చింది. అలాగే కాషాయం రంగులో ఉన్న బికినీని దీపికా ధరించడం కూడా తీవ్ర వివాదాన్ని సృష్టించింది. అలాగే బేషరం రంగ్ అనే పాటలో దీపికా చాలా దారుణమైన రీతిలో వస్త్రధారణ చేయడమే కాకుండా డ్యాన్స్ మూమెంట్స్ కూడా వివాదాన్ని రాజేశాయి.
దాంతో పఠాన్ సినిమా టైటిల్ కూడా మారడం ఖాయమని , అలాగే దీపికా బికినీ సీన్ కూడా కట్ చేయడం ఖాయమని అంతేకాదు జనవరి 25 న కూడా ఈ సినిమా విడుదల కాబోవడం లేదని , దర్శక నిర్మాతలు అధికారికంగా ఈ విషయాన్ని ప్రకటించబోతున్నారు అంటూ కె ఆర్ కె ( కమల్ ఆర్ ఖాన్ ) సోషల్ మీడియాలో ప్రకటించాడు. ఇక ఇది నిజమా ? లేదా ? అన్నది దర్శక నిర్మాతలు స్పందిస్తేనే తెలుస్తుంది.
