షూటింగ్ లో ఓ బాంబ్ పేలడంతో స్టార్ హీరో సంజయ్ దత్ గాయపడ్డాడు. దాంతో హుటాహుటిన అతడ్ని ఆసుపత్రికి తరలించి వైద్యం అందించారు. ప్రాథమిక చికిత్స తీసుకున్న అనంతరం ముంబై వెళ్ళిపోయాడు సంజయ్ దత్. 90 వ దశకంలో బాలీవుడ్ లో స్టార్ హీరోగా ఓ వెలుగు వెలిగాడు సంజయ్ దత్. ఆ తర్వాత క్యారెక్టర్ ఆర్టిస్ట్ గా మారి కన్నడ చిత్రం కేజీఎఫ్ 2 లో విలన్ గా నటించాడు.
తాజాగా మరో కన్నడ చిత్రం ‘కేడీ’ చిత్రంలో విలన్ గా నటిస్తున్నాడు సంజయ్ దత్. ఆ సినిమా కోసం బెంగుళూర్ వచ్చాడు. బెంగుళూర్ లోని మగడి రోడ్డులో యాక్షన్ దృశ్యాలు చిత్రీకరిస్తున్నారు. యాక్షన్ సీన్స్ కావడంతో బాంబ్ బ్లాస్ట్ సీన్స్ కూడా ఉన్నాయట. ఇక షూటింగ్ జరుగుతుండగా బాంబ్ పేలడంతో సంజయ్ దత్ మోచేయికి అలాగే ముఖానికి గాయాలు అయ్యాయి.
దాంతో ఒక్కసారిగా యూనిట్ షాక్ అయ్యింది. షాక్ నుండి వెంటనే తేరుకొని సంజయ్ దత్ ను వెంటనే ఆసుపత్రికి తరలించారు. అక్కడ ప్రాథమిక చికిత్స తీసుకున్న అనంతరం ముంబై కి వెళ్ళాడు. సంజయ్ దత్ కు గాయాలు కావడంతో షూటింగ్ వాయిదా పడింది. సంజయ్ దత్ కోలుకున్న తర్వాత మళ్ళీ కేడీ షూటింగ్ సెట్స్ మీదకు వెళ్లనుంది.