గతంలో మణిరత్నం సినిమా అంటే ఇళయరాజా సంగీతం సమకూర్చేవారు. ఆయనతో చేస్తున్న సమయంలో సందర్భం చెప్పి పాటకావాలని అడిగేవాడిని. ఆయన కూడా నా దర్శకత్వం స్టయిల్ తెలిసి అందుకు అనుగుణంగా ట్యూన్స్ ఇచ్చేవాడు. అప్పట్లో వాణిజ్య ప్రకటనలకు యాడ్స్ చేసేవాడు రహెమాన్ (అప్పటికి ఇంకా దిలీప్ పేరే ఉండేది). అవి విపరీతంగా నచ్చేవి. ఇతనికి తన తర్వాతి సినిమా ఇవ్వాలని అనుకున్నాను. రోజా స్ర్కిప్ట్ తో అతని వద్దకు వెళ్లాను. ఆ కథను విన్న రహెమాన్ కొన్ని ట్యూన్లు వినిపించాడు. ఈ ట్యూన్స్ వందల ఏళ్లు గుర్తుండిపోతాయని అప్పడే అనిపించింది. ఇక తర్వాత ఇలాంటి ట్యూన్స్ ను మూవీలో ఎక్కడ ప్లేస్ చెయ్యాలో నాకే అర్థం కాలేదు. ఇదంతా ఒక సవాల్ గా మారింది. మొదటి సారి నాకు అలాంటి సమస్య ఎదురైంది. వాటిని గురించి రహెమాన్ ను అడిగాను. ఆయన ఏమన్నాడంటే ‘మీరు చెప్పిన కథకు నీనందించే ట్యూన్స్ అవ్వి.. వాటిని ఎక్కడ, ఎలా యూజ్ చేస్తారో మీ ఇష్టం’ అన్నాడు. ఇక తర్వాత నుంచి సినిమా మొత్తానికి మ్యూజిక్ ఉంటే బాగుంటుందనుకున్నాను.
ప్రేమ కావ్యానికి మ్యూజికే ప్రాణం. ఎన్నో సినిమాలకు రహెమాన్ నేను కలిసి పని చేశాం. ప్రతీ సినిమాలో ప్రతీ పాట.. మూవీలోని మ్యూజిక్ ప్రేక్షకుడి మనసులో ఒక మ్యాజిక్ క్రియేట్ చేసి లైఫ్ లాంగ్ గుర్తుండి పోయేలా చేస్తుంది. రహెమాన్ మ్యూజిక్ అంటే పడిచచ్చే వారిలో నేను కూడా ఒకడిని అంటూ మణిరత్నం చెప్పారు.
