తమిళ స్టార్ హీరో సూర్య తాజాగా నటిస్తున్న 42 వ చిత్రానికి ” కంగువ ” అనే టైటిల్ ను ఖరారు చేసారు మేకర్స్. శివ దర్శకత్వంలో తెరకెక్కుతున్న ఈ చిత్రాన్ని స్టూడియో గ్రీన్ పతాకంపై జ్ఞానవేల్ రాజా నిర్మిస్తున్నాడు. సూర్యకు మొట్టమొదటి పాన్ ఇండియా చిత్రంగా రూపొందుతోంది ఈ చిత్రం. దిశా పటాని హీరోయిన్ గా నటిస్తున్న ఈ చిత్రంలో కమెడియన్ యోగిబాబు కూడా కీలక పాత్రలో నటిస్తున్నాడు.
తాజాగా ఈ చిత్రానికి కంగువ అనే టైటిల్ ని ఖరారు చేసారు. మ్యాన్ విత్ పవర్ ఆఫ్ ఫైర్ అనే ఉప శీర్షికతో రూపొందుతున్న ఈ చిత్రాన్ని 2024 ప్రారంభంలో విడుదల చేయడానికి సన్నాహాలు చేస్తున్నారు. దేవిశ్రీ ప్రసాద్ ఈ చిత్రానికి సంగీతం అందిస్తున్నాడు. ప్రపంచ వ్యాప్తంగా మొత్తంగా 10 భాషల్లో భారీ ఎత్తున విడుదల చేయడానికి సన్నాహాలు చేస్తున్నారు.
ఈ చిత్రాన్ని బాహుబలికి పోటీగా భావిస్తున్నారు. నిర్మాత జ్ఞానవేల్ రాజా గతంలోనే ఈ స్టేట్ మెంట్ ఇచ్చి సంచలనం సృష్టించాడు. బాహుబలి లాంటి సినిమాలను నిర్మించిన టాలీవుడ్ కు మా కంగువతో సమాధానం చెబుతామని ప్రకటించాడు. కంగువ టైటిల్ పట్ల అలాగే మోషన్ పోస్టర్ పట్ల అభిమానులు చాలా సంతోషించడం ఖాయం. ఎందుకంటే అభిమానులను అలరించేలా రీరికార్డింగ్ తో అద్భుతమైన విజువల్స్ వీడియో విడుదల చేసారు మేకర్స్. ఆల్రెడీ సూర్యకు తెలుగులో కూడా మంచి మార్కెట్ ఉంది. ఇక ఈ సినిమాతో సూర్య కూడా పాన్ ఇండియా స్టార్ అవ్వడం ఖాయమని భావిస్తున్నారు.
Sheer joy working with Siva & Team on this mighty saga. Happy to share the title look of #Kanguvahttps://t.co/7TiAfM2fTE@directorsiva @ThisIsDSP @kegvraja @DishPatani @vetrivisuals @SupremeSundar_ @StudioGreen2 @UV_Creations @saregamasouth pic.twitter.com/pcdKo99wAj
— Suriya Sivakumar (@Suriya_offl) April 16, 2023