సాధారణంగానే సోషల్ మీడియాలో కూడా స్టార్స్ రికార్డులు సెట్ చేస్తూ ఉంటారు. ఫ్యాన్స్ అంతా తమ అభిమాన హీరోలు, స్టార్స్ ని సోషల్ మీడియాలో ఫాలో అవుతూ ఉంటారు. లెటేస్ట్ గా తమిళ్ స్టార్ హీరో తలపతి విజయ్ ఇన్స్టాగ్రమ్ లోకి ఎంట్రీ ఇచ్చాడు.ఎంట్రీతోనే సోషల్ మీడియాలో కూడా రికార్డుల మీద రికార్డులు సృష్టించాడు. నిజం చెప్పాలంటే..సౌత్ ఇండియన్ ఫిల్మ్ స్టార్స్లో దళపతి విజయ్ ఫాలోయింగే వేరు. సాధారణంగా హీరోలకు అభిమానులు ఉంటే, తమిళనాడులో విజయ్ దళపతికి భక్తులు ఉంటారు. దక్షిణాదిన రజినీకాంత్ తర్వాత ఆ స్థాయి పాపులారిటీ కలిగిన స్టార్స్లో విజయ్ ముందుంటారు. విజయ్ సినిమా రిలీజ్ అయితే అభిమానులకు పండగే. రిలీజ్ రోజు థియేటర్స్ దద్దరిల్లాల్సిందే.
ఇక విజయ్ సినిమా అప్డేట్, విజయ్ పుట్టిన రోజు, విజయ్ కి సంబంధించి ఏ చిన్న విషయం బయటకు వచ్చినా అభిమానులు ఫుల్ గా సెలబ్రేట్ చేస్తారు. ఇక ఫ్లాప్ సినిమాకు కూడా వందల కోట్ల కలెక్షన్స్ వస్తాయంటే అది అభిమానుల బలమే. అయితే ఇంతగా అభిమానుల ప్రేమను పొందిన దళపతి.. ఇన్ని రోజులు సోషల్ మీడియా ప్లాట్ఫామ్ ఇన్స్టాగ్రామ్కు దూరంగా ఉన్నారు. ట్విట్టర్లో యాక్టివ్గా ఉన్నప్పటికీ.. ఇన్స్టాగ్రామ్లో మాత్రం లేరు.దీంతో విజయ్ ఇన్స్టాగ్రామ్కు ఎప్పుడు వస్తారా? అని ఇంతకాలం ఈగర్గా వెయిట్ చేశారు ఫ్యాన్స్. మొత్తానికి వారందరి ఉత్సాహాన్ని రెట్టింపు చేస్తూ ఏప్రిల్ 2న ఇన్స్టాగ్రామ్కు ఎంట్రీ ఇచ్చారు దళపతి. అంతేకాదు వస్తూ వస్తూనే తనకు అలవాటైన రికార్డ్స్ సృష్టించారు.
ఇన్స్టాగ్రామ్లో హలో ఫ్రెండ్స్ అనే మొట్టమొదటి పోస్ట్తో ఫ్యాన్స్, ఫాలోవర్లను పలకరించారు. ప్రస్తుతం విజయ్ నటిస్తున్న లియో చిత్రం సెట్స్ నుంచి ఓ అదిరిపోయే స్టిల్ ను షేర్ చేసుకున్నారు. సాధారణంగా బాక్సాఫీస్ వద్ద తన సినిమాలతో రికార్డ్స్ క్రియేట్ చేసే విజయ్.. ఇప్పుడు సోషల్ మీడియాలోనూ సంచలనం సృష్టించారు. తను ఇన్స్టా అకౌంట్ క్రియేట్ చేసిన గంటల్లోనే 1 మిలియన్ మార్క్ క్రాస్ చేశారు. ఇంతకుమందు పాపులర్ సౌత్ కొరియన్ బాయ్ బ్యాండ్ BTS..43 నిమిషాల్లో ఈ మార్క్ చేరకుని ఫస్ట్ ప్లేస్లో ఉండగా, హాలీవుడ్ స్టార్ ఏంజెలీనా జోలీ 59 నిమిషాల్లో ఈ రికార్డ్ చేరుకుంది. . విజయ్ ఇప్పుడు 99 నిమిషాల్లో ఈ మార్క్ను చేరుకున్న మూడో సెలబ్రిటీగా నిలిచాడు. మూడు గంటల్లో 2 మిలియన్స్ ఫాలోవర్స్ వచ్చారు. ఇక హాఫ్ డేలో 3.7 మిలియన్స్ ఫాలోవర్స్ విజయ్ ని ఇన్స్టాగ్రామ్ లో ఫాలో అవ్వడం మొదలుపెట్టారు. దీంతో చాలా తక్కువ టైంలో ఇంతమంది ఫాలోవర్స్ వచ్చిన స్టార్ గా ఇండియాలో సరికొత్త రికార్డ్ సృష్టించాడు.
View this post on Instagram
