మలయాళ దిగ్గజ నటుడు , లోక్ సభ మాజీ సభ్యుడు ఇన్నోసెంట్ ( 75 ) గుండెపోటుతో మరణించారు. గతకొంత కాలంగా అనారోగ్యంతో బాధపడుతున్న ఇన్నోసెంట్ ఆసుపత్రిలో చికిత్స పొందుతున్నారు. అయితే కరోనా సోకి తీవ్ర అస్వస్థతకు గురై కోలుకున్న ఇన్నోసెంట్ కరోనా నుండి కోలుకున్న తర్వాత శ్వాసకోశ ఇబ్బందులతో పాటుగా పలు అవయవాలు దెబ్బతిన్నాయి. దాంతో చికిత్స పొందుతున్న సమయంలోనే గుండెపోటుకు గురయ్యారు.
మలయాళంలో 700 కు పైగా చిత్రాల్లో నటించిన లెజెండ్ ఇన్నోసెంట్. ఆయన మరణం పట్ల తీవ్ర విచారం వెలిబుచ్చారు మలయాళ సూపర్ స్టార్ మోహన్ లాల్. ఇన్నోసెంట్ భౌతికంగా దూరమైనా మానసికంగా నాతోనే ఉంటాడని ఇన్నోసెంట్ పట్ల తనకున్న ప్రేమను చాటుకున్నారు. 2014 లో లోక్ సభకు పోటీ చేసి విజయం సాధించారు ఇన్నోసెంట్.