నటులకు ట్రోల్స్ కొత్త కాదు. ఒక అంశం కాకుంటే మరో అంశం. ఏదైనా ట్రోల్స్ ఎదుర్కొంటూ ఇబ్బంది పడిన హీరోయిన్లు ఎంతో మంది ఉన్నారు. అది కూడా ఒక్కోసారి వారికి లాభం చేస్తుంది. సోషల్ మీడియా జమానాలో ఏ పని చేసిన దాన్ని వైరల్ రాయుళ్లు తెగ వైరల్ చేయడమో లేక ట్రోల్ చేయడమో చేస్తుంటారు.
స్మార్ట్ ఫోన్ జమానాలో గ్లోబ్ చాలా చిన్నగా మారింది. దీన్ని అవకాశంగా తీసుకుంటున్న కొంత మంది నటులు, నటీమనులు తమ పాపులారిటీని పెంచుకుంటారు. సోషల్ మీడియా వేదికగా ఒక్కో ప్లాట్ ఫారం నుంచి తమ పిక్స్, వీడియోలను షేర్ చేస్తుంటారు. ఒక్కోసారి సక్సెస్ అయితే మరోసారి ఫెయిల్ అవుతూ ఉంటారు. ఇవి నెటిజన్లకు నచ్చితే ఒకే.. ఒక వేళ నచ్చకుంటే మాత్రం విపరీతమైన ట్రోల్స్ ఎదుర్కోవాల్సి వస్తుంది. దీంతో తలపట్టుకోవడం సదరు నటుల వంతు అవుతుంది. ఇటీవల ఈ ఇబ్బందులను రాజశేఖర్ కూతురు శివాత్మిక ఎదుర్కొంది. తను తీసిన ఫొటోలు సోషల్ మీడియాలో పోస్ట్ చేయగా విపరీతమైన ట్రోల్స్ వచ్చాయి.
ఒకప్పుడు ఫ్యామిలీ డ్రామా చిత్రాలు తీసి వరుస విజయాలు అందుకున్నారు రాజశేఖర్ జీవిత. తర్వాత జీవిత దర్శకత్వంలో రాజశేఖర్ బ్లాక్ బస్టర్ హిట్లను సొంతం చేసుకున్నారు. వీళ్ల తర్వాత వీరి కూతుళ్లను ఇండస్ట్రీలోకి తీసుకురావాలని అనుకున్నారు. అనుకున్నదే తడువుగా శివాత్మిక, శివాణి చిత్రసీమలోకి అడుగుపెట్టారు. ఇద్దరూ వరుస చిత్రాలతో బిజీగా ఉన్నారు. వీరిలో వివాత్మిక ‘దొరసాని’లో నటించి మెప్పించింది. ఆమెను జూనియర్ జీవితగా టాలీవుడ్ కీర్తించింది. ఇటీవల రంగమార్తాండలో కూడా నటించింది.
ఇటీవల సోషల్ మీడియాలో తన అందాలను ఆరబోసింది. బ్లాక్ శారీ, వైట్ బ్లౌజ్ తో ఒక ఫొటో షూట్ చేసింది. సదరు చిత్రాలను సోషల్ మీడియా వేదికగా అప్ లోడ్ చేసింది. వీటిని నెటిజన్లు విపరీతంగా ట్రోల్ చేయడం మొదలు పెట్టారు. ఉన్నదే నల్లగా అందులో బ్లాక్ శారీ, మళ్లీ నైట్ ఫొటో షూట్ ఏంటి శివాత్మికా అంటూ ట్రోల్ చేశారు. దీంతో ఆమె కొంచెం ఇబ్బంది పడ్డారు.
