సీనియర్ నటి జయసుధ మూడో పెళ్లి చేసుకోబోతోంది అంటూ గతకొంత కాలంగా ఊహాగానాలు వినిపిస్తున్నాయి. ఆ ఊహాగానాలకు ఊతమిచ్చేలా జయసుధ వెంట తరచుగా ఓ వ్యక్తి తిరుగుతుండటంతో ఈ గాసిప్ మరింత ఎక్కువయ్యింది. అంతేకాదు జయసుధ కొన్నాళ్ళు అమెరికా కూడా వెళ్ళింది. దాంతో ఇక 64 ఏళ్ల వయసులో జయసుధ మళ్ళీ పెళ్లి చేసుకోవడం ఖాయమని రూమర్లు ఎక్కువయ్యాయి.
అయితే ఈరుమార్లు ఎక్కువ కావడంతో వాటిని ఖండించింది. తాజాగా జయసుధ నటించిన చిత్రం వారసుడు. ఈ సినిమా ప్రీ రిలీజ్ ఈవెంట్ లో పాల్గొన్న జయసుధ తన పెళ్లి వార్తలను ఖండించింది. నా బయోపిక్ తీయాలనే తలంపుతో పిలిప్ అనే అమెరికన్ ఉన్నాడని , నా గురించి తెలుసుకున్నాడని , అలాగే ఇపుడేమో స్వయంగా నాకున్న క్రేజ్ ను గురించి తెలుసుకోవడానికి ఇక్కడకు వచ్చాడని , నావెంట తరచుగా ఉండటంతో ఇలాంటి వార్తలు వచ్చాయని కానీ అవి నిజం కాదని అంటోంది.
గతంలో జయసుధకు రెండు పెళ్లిళ్లు అయ్యాయి. మొదటి భర్త వ్యాపారవేత్త రాజేంద్రప్రసాద్ కాగా అతడికి వెంటనే విడాకులు ఇచ్చింది. తర్వాత నితిన్ కపూర్ ను ప్రేమించి పెళ్లి చేసుకుంది. అతడు 2017 లో ఆత్మహత్య చేసుకున్న విషయం తెలిసిందే. ఇక జయసుధ సినిమాల విషయానికి వస్తే…….. ఒకప్పుడు హీరోయిన్ గా రాణించిన జయసుధ ఇప్పుడు తల్లి , అత్త పాత్రలో నటిస్తోంది.
