నటసింహం నందమూరి బాలకృష్ణ తాజాగా అనిల్ రావిపూడి దర్శకత్వంలో నటిస్తున్న విషయం తెలిసిందే. డిసెంబర్ 8 న ఈ సినిమా ప్రారంభం కాగా 10 రోజుల పాటు మొదటి షెడ్యూల్ ను హైదరాబాద్ లో ప్లాన్ చేశారు దర్శక నిర్మాతలు. బాలయ్య పై పలు యాక్షన్ దృశ్యాలను చిత్రీకరిస్తున్నారు అనిల్ రావిపూడి.
ఇక ఈరోజు బాచుపల్లిలో బాలయ్య షూటింగ్ జరుగుతుండగా హీరోయిన్ శ్రీ లీల కూడా పాల్గొంది. ఈ చిత్రంలో శ్రీ లీల బాలయ్య కూతురుగా నటిస్తున్న విషయం తెలిసిందే. తండ్రీ కూతురు సెంటిమెంట్ తో పాటుగా అద్భుతమైన యాక్షన్ కూడా మేళవించి ఈ చిత్ర కథ రూపొందించాడట దర్శకుడు అనిల్ రావిపూడి. ఈ చిత్రంలో సరికొత్త బాలయ్యని చూస్తారని అంటున్నాడు అనిల్ రావిపూడి.
